2014年5月28日 星期三

[FACE 366] 重演藍可兒事件 張家輝加隻鬼 家輝,張家輝,MF,




張家輝戲中大膽選用新人李元玲,為求李元玲可以表現出最真實嘅驚嚇表情,埋位前家輝都會拉埋佢補習、教戲。

FBI

重演藍可兒事件 張家輝加隻鬼

張家輝演技掂當然唔使多講。攞完影帝,家輝即轉玩導演癮,首次自導自演新片《盂蘭神功》,拍住「兩代女神」劉心悠同吳家麗,加埋新演員、李雲迪徒弟李元玲,大玩戲棚靈異事件。

FBI八到戲中飾演張家輝妹妹嘅李元玲,喺醫院電梯撞邪一幕同舊年發生嘅「藍可兒死亡事件」勁相似,閉路電視所見被鬼上身嘅李元玲行為詭異,初時不斷㩒唔同樓層,之後垂頭喪氣行出電梯口,仲莫名其妙咁對住右邊方向做出指手畫腳嘅動作,出𨋢消失四秒後,李元玲再次行番出來企到電梯中間位指手劃腳口噏噏,之後就好平靜咁左右徘徊,最後就畀一個黑影拉走……仲唔係藍可兒?

《盂蘭神功》

張家輝將藍可兒死亡事件,設計出李元玲在電梯撞鬼的一幕,戲中同樣以狂㩒樓層按鈕作開始,而李元玲全程低頭更添驚嚇成份。

正版藍可兒事件中(下圖右),藍可兒出咗電梯後再無出現鏡頭前,只見電梯門重複又開又關嘅畫面,同《盂》片被拉走嘅結尾有啲唔同。

藍可兒事件

藍可兒死亡事件發生至今已有 1年,但仍未破解到當時藍可兒喺電梯做出嘅怪行。前排大陸拍成電影《藍可兒之旅》,仲要全英語,直用其名,離譜。

網上圖片

網上圖片

原來導演張家輝對藍可兒事件好大感覺,覺得內容好有發揮空間,又夠戲劇性,所以臨時加插呢幕,仲大膽嘗試放手俾新人李元玲去演。家輝仲話拍呢幕除咗李元玲要表現出驚嚇之餘,面部表情都好重要,埋位時家輝就好有耐性咁不斷提點李元玲。像真度咁高, FBI諗起都覺邪,何況係拍嗰個?好彩拍呢幕之前,大家拜神做好準備順利收工咋!

有李雲迪徒弟之稱嘅新人李元玲喺《盂蘭神功》中飾演張家輝妹妹,有不少戲份,所以事前嘅訓練都唔敢怠慢,好勤力練㗎!

張家輝同喺《盂蘭神功》內飾演花旦嘅劉心悠會有一場激烈床戲,仲話係心悠 BB從影以來最激喎,預告片同官方發相都冇見過,迫人入戲院睇囉!



鍾意就快D Share啦!
Related Posts Plugin for WordPress, Blogger...