全城熱爆的娛樂八封新聞 & 時事趣聞 & 生活 + 趣聞
面燶燶 明明半個鐘收得工，點知等咗兩個鐘，幾好脾氣嘅陳豪都變黑面。
香港想搵日好天都難，上星期幾乎日日都落雨。平民百姓就話落雨擔遮啫，但明星拍戲唔係話擔就擔！
好似上星期四（ 22日），陳豪（ Moses）為新劇埋尾，當日阿 Mo得一場車廂戲，原本半個鐘就可以收工，點知一 roll機就落大雨，攪到阿 Mo要留喺車度呆等兩個鐘，一向 nice嘅佢都畀落雨天攪到燥燥地，好彩工作人員醒目，即刻撩阿 Mo講湊仔經，陳爸爸成個生猛番仲四萬咁口。好心快快收工唔好阻住新手爸爸返屋企湊仔先得㗎。
笑番 原本發呆兼面燶燶嘅阿 Mo，一聽到人哋撩佢講個寶貝仔陳梓燁（下圖），即刻成個開心曬。
（網上圖片）
家陣天氣日日落雨，大台當然唔會取消拍攝啦，陳豪咪惟有呆坐車廂等停雨。
《陪著你走》由陳豪、胡杏兒孭飛，套劇仲有兩星期就煞科，阿 Mo到時可專心湊仔。
