熱爆娛樂: [FACE 366] 搬竇　避林小明　怕回家　江若琳匿藏唐樓林小明,江若琳,MF,

2014年5月28日星期三

[FACE 366] 搬竇　避林小明　怕回家　江若琳匿藏唐樓林小明,江若琳,MF,

22/5　最新圖片

匿埋近一個月，江若琳終於外出抖嚇氣，不過行唔夠一個鐘，就馬上返回筲箕灣的唐樓。

真面目

搬竇　避林小明　怕回家　江若琳匿藏唐樓

自上月與寰宇提出解約，爆出 10年工作零收入嘅慘況後，江若琳一直潛水唔見人，為避開傳媒追訪，原來江若琳匿藏朋友於筲箕灣的唐樓。雖然上週有報道指林小明終於「放生」江若琳，但據知江一直避見前老闆，更驚到唔敢返自己屋企，惟有搵竇匿。

上週四（ 22日），本刊發現 26歲江若琳現身九龍灣 IKEA，已經戴上口罩的江若琳，全程左閃左避，警覺性甚高，出街唔夠 1粒鐘就急急返唐樓竇。

其他影片：>>放生搬竇

為寰宇打工 10年，坦言 10年靠墊支生活、零收入嘅江若琳，早前提出解約。據知，本月 2日死約已滿，林小明又沒加簽生約，已回復自由身的江若琳積極裝備自己，未知是否為復出作準備。

轉入後巷時，江若琳和朋友左右觀察，冇發現狗仔隊先安心上樓。

唐樓的入口位於後巷，平時行過都唔覺，夠曬隱秘。

報讀話劇

爆出合約風波後，寰宇老闆林小明和江若琳隔空開火，江若琳亦馬上停止所有工作，連公司之前接下的電影《辣警霸王花》都推掉，除了因為要低調處理官司外，江若琳更趁這段時間報讀一些課程。

知情人士說︰「之前 Elanne已經話想報讀英文同話劇，呢段時間又唔可以見人，佢阿媽一直都想佢讀番書，所以就報咗幾個班上堂，不過，佢驚記者追訪會影響屋企人，前排就搬咗去朋友屋企暫住。」

掃宜家

在九龍灣宜家行咗兩個圈，極速買完書枱燈和一些家品，江若琳就馬上離開。

見開始人多，江若琳就即刻走到收銀處埋單，之後跑住落停車場取車。

除了書枱燈和盆栽，江若琳仲買咗床單被舖。

搬離北角

上週四（ 22日），本刊在九龍城 Mega Box的「宜家」，撞正江若琳同朋友睇傢品，只見兩人急急腳行咗 30分鐘，買了兩個書枱燈、盆栽和床單，就馬上埋單走人。之後江若琳與朋友落停車場取車，直駛到筲箕灣。泊車之後，江若琳在車仔麵檔買外賣，再與朋友行了幾個街口忽然轉入後巷，上了一楝唐樓便再未見行蹤。

潛水個多月，原來江若琳已搬離與母親同住的北角百福花園，對於官司進展和搬屋一事，江若琳至截稿前都未有回覆，不過這兩星期就密密更新 Instagram，向 fans報平安。「林生放生咗 Elanne，算係和平解決咗啦，官司應該都好快 settle down！不過 Elanne就話冇咁快重新工作，亦未諗會唔會簽新公司，總之嚟緊大半年都係讀書先，等阿媽安心落嚟先再諗去向！」江若琳身邊人透露。