唐貝詩首次搞義賣活動，雖然不至一呼百應，但身後有個萬事通的媽咪助陣，絕對是如虎添翼。
娛樂喧
網上搞慈善義賣 唐貝詩碌爆阿媽人情卡
繼早前由方力申擔大旗搞的公益藝術展，搵大批藝人捐畫及物品拍賣後，寇鴻萍大女唐貝詩(Lydia)近月亦在其網上團購店「 Purrrchase」，為「心晴行動慈善基金」發起「名人明星慈善義賣」。
唐貝詩今次碌盡媽咪的人情卡，得到羅霖、汪詩詩及陳法蓉等 auntie的鼎力支持，她們捐出的名貴手袋與首飾更是網上必搶筍貨。再加上唐貝詩一班𡃁模朋友的捐贈，就連受惠所屬機構的林建明亦表示每月收到五位數字善款，成績不俗。
唐貝詩一直給人的印象都只係愛蒲貪靚的富二代大小姐，但她憑一己之力搞了一個網上義賣活動，月前已開始有明星及名人主動聯絡捐出物品作義賣。
自爆曾患情緒病
本周一（ 9日），記者踏入唐貝詩位於銅鑼灣的寫字樓，看見穿便服的她與在 Ball場判若兩人，她更一本正經向記者詳細介紹各種義賣物品及成立經過。她說：「呢個慈善義賣係由今年 1月開始，到依家每個月有萬幾蚊營業額，成績算唔錯，我都好想俾大家見到我工作認真嘅一面，所以由搵人、聯絡交收，我都會親力親為，自己都打咗唔少人情牌。媽咪當然都好支持同幫手啦，全靠佢，好多相識多年嘅 auntie同 uncle都捐出佢哋嘅收藏品嚟義賣。每個月義賣所得嘅收入只係好少，我哋唔係靠佢賺錢，團購同美容業務先係主要收入來源。」
這次的慈善義賣，貨品以女裝手袋、鑽飾為主，營業額會先扣除 10%行政費用，其餘全數撥捐至「心晴行動慈善基金」。「心晴行動」主要協助情緒病患者重新投身社會，原來唐貝詩亦曾患上情緒病，她說：「我喺英國讀書時都試過有情緒病，當地好重視呢類病患者，治療亦好全面。但香港唔同，所以我覺得要為呢個慈善基金出一分力。」
大姐明滿意義賣成績
「心晴行動」的發起人林建明與寇鴻萍份屬多年老友，亦視唐貝詩為世姪女，對於是次義賣活動成績理想，林建明表示感到喜出望外：「唔好睇小 Lydia呢個細路女，佢今次搞呢個義賣，我要求嘅佢都做得好妥當，你估搵人捐嘢咁容易咩！佢跟進得好好，亦好清楚交代所有事，我哋同佢簽咗一年約，依家未夠半年已有唔錯嘅成績，我實在好欣賞佢，之後亦會一直支持佢。」唐貝詩對網購生意信心十足，仲話希望將來唔使靠阿媽出面，一樣可以成功。
羅霖貨最搶手
要數最有心首選美魔女羅霖，她捐出的全都是名牌，為是次義賣帶來最多收益。
必搶筍貨
班 uncle auntie一出手，真係唔講得笑，件件義賣物品都係大牌子，賈思樂捐出來的更是全新品。
𡃁模正貨
別以為𡃁模只有外表，原來她們都好有善心，睇見大大隻新錶都捐出來義賣就知
25歲的 CEO
唐貝詩(Lydia)現時在媽咪寇鴻萍的美容公司「 ISAWORKSHOP」擔任營運總監，逢星期一至五返朝十晚六。兩年前她開始沾手網上團購「 Purrrchase」的業務，成為團購公司的 CEO。半年前她更大搞「名人明星慈善義賣」，雖然每件賣出的物品會收取 10%行政費，但當中扣除 PayPal手續費後，只能為公司帶來 5%的收入。近年其網上團購業務已見成熟，收入算穩定，再加上有媽咪作後盾，相信貨品陸續有嚟！
|
鍾意就快D Share啦！
|
|
|
