沈嘉偉帶埋啲親戚一行十幾人去掃貨，盡露霸氣。不過身為大老闆嘅佢，對住囡囡一樣冇曬計，差唔多抱足全程。
媽咪姐
沈嘉偉邱淑貞霸氣教育
一個係上市公司 I.T大老闆、揸住廿億喺手嘅沈嘉偉，另一個就係一代性感女神、曾經紅透影壇嘅邱淑貞，你話佢哋一家大細出嚟行街又點會唔大陣仗吖！
周日（ 8日），媽咪姐就喺銅鑼灣利園撞到佢哋，兩個囡囡、細佬、姨媽姑姐同賓賓一大棚人去掃貨。沈生盡顯大老闆嘅風範，一家人不停穿梭幾間舖，鍾意乜就攞乜，嗰股霸氣湧曬出嚟！
講時講，媽咪姐呢排咁啱睇到財經版，報道話依家大品牌收縮，沈嘉偉反而擴張喎。有個咁勇嘅阿爸，難怪細女沈晨都展現出巾幗不讓鬚眉嘅「英姿」， cute呀！
沈晨發功
邱淑貞喺 Cova買緊朱古力嗰陣，沈晨擒到上櫃面佢都唔知，認真牙煙！
|
鍾意就快D Share啦！
|
|
|
