掃呢頁CODE去手機

2014年6月13日 星期五

[忽然1周 985] 張兆輝乜都撈 張兆輝,MW,




輝哥出場一唱閩南歌〈愛拼才會贏〉,令現場氣溫急升。呢個插袋動作似足佢拍戲時「掹」槍,查實佢係拎簽名相送俾觀眾咋!

媽咪姐

張兆輝乜都撈

張兆輝入行超過 30年,以前成日扮警察呢啲正氣角色,不過早前佢拍咗套《恐怖在線》,一聽個名就知係鬼片估唔到呢個新嘗試,令輝哥勇獲美國聖地牙哥獨立電影節嘅影帝,人氣急升之餘,仲豬籠入水㖭!

唔講唔知,輝哥原來都唱得兩嘴㗎!依家佢喺國內非常搶手,唔少品牌客戶都爭住請佢登台表演,啱啱先去完武漢為一個美容品牌表演。媽咪姐仲收到風,佢唱咗兩隻歌就 30萬袋袋平安,呢個價真係高過好多歌星囉!聽聞今個月仲接咗幾個登台。講真吖,今年 51歲嘅張兆輝真係勁搏,雖然已經住緊貝沙灣,但唔揀 job之餘,仲 keep住操 fit自己。啲成日呻辛苦嘅後生仔真係要學嚇嘢

輝哥上年拍《恐怖在線》嗰陣,媽咪姐都有去探班,見佢搏命喪跑,抵佢攞影帝㗎!

輝哥除咗做嘢襟撈,仲勝在人緣好,黃日華同衞志豪都特登同佢慶祝封帝。

簽名相係登台必備之物,張兆輝出騷前簽定幾百張,大把貨



鍾意就快D Share啦!