吳彥祖係孝順仔，以前父母來港，一定做司機車出車入。上年一家三口就被影到去中環歌賦街睇家庭用品。《蘋果日報》圖片
媽咪姐
吳彥祖為病母兩邊飛
《竊聽風雲 3》上映 4日，就收一千二百幾萬（截至周日），除咗套戲本身掂，一班土豪主角造型都好出色！
佢哋呢幾日為谷票房，仲四圍做宣傳，夠曬幫手。不過咁，媽咪姐就發現，一班主角當中，唯獨吳彥祖潛咗水。
媽咪姐收到風，原來吳彥祖唔係掛住湊女咁簡單，而係阿媽患咗重病，所以返咗美國陪老人家。其實近半年吳母病況反覆，每有壞消息傳出，吳彥祖都會帶埋囡囡斐然同老婆 Lisa S.去探阿媽，呢半年來，已經來回香港同美國多次。最近吳母病情又嚴重咗，身為《竊聽 3》主角嘅吳彥祖無奈要向導演麥兆輝請假，缺席全部《竊聽 3》宣傳。
吳彥祖對阿媽咁有孝心，真係好難得。媽咪姐喺度祝願吳母大步檻過呀！
|
鍾意就快D Share啦！
|
|
|
