全城熱爆的娛樂八封新聞 & 時事趣聞 & 生活 + 趣聞
一入到街市郭政鴻就衝咗去海鮮檔，老闆娘一袋二袋幫郭政鴻揀蟹呀，大蜆呀等海鮮，冇成千蚊都走唔甩。
郭政鴻年頭拍完大台新劇之後，都未有新劇開，雖然冇嘢做但係佢一啲都唔頹，前排佢仲同埋老友陳山聰搞咗個「醒獅同學會」，話要發揚國粹藝術咁話。 前幾日，媽咪姐去九龍城街市，咁啱撞到郭政鴻喺度買餸，咦！又蟹又大蜆咁大手筆，睇嚟佢係整海鮮餐喎，應該唔止同老婆撐枱腳咁簡單，唔通搵老友陳山聰返屋企，食餐好嘅賀一賀佢哋嘅「獅兄弟」！
郭政鴻同陳山聰組成醒獅同學會，名為「獅兄弟」，幾有姿勢㗎！
