掃呢頁CODE去手機

2014年6月19日 星期四

[壹週刊 1267] 34歲生日 容祖兒劉浩龍半島酒店開心 祖兒,劉浩龍,浩龍,容祖兒,M1,




探熱針

34歲生日 容祖兒劉浩龍半島酒店開心

不介意貼錢拍拖的容祖兒,週日(六月十五日)踏入 34歲前夕,男友劉浩龍在半島酒店地庫 Lounge Bar包場,招呼近八十位賓客為女友慶生,當晚壽星不停被隊酒,最終醉爆,要在酒店開房過一夜。

據了解,生日 P埋單七萬元,壽星自己找數;至於劉浩龍,則在 Joey生日正日,專登撲到九龍城方榮記,買外賣回家餵飽女友,人出雞你出豉油,抵。








被問到送乜俾祖兒做生日禮物?以及有否乘機向女友求婚,師兄全部答「無!」

被踢爆揸祖兒百萬波子招搖,師兄即刻還車,揸回自己的老爺寶馬。

破例開門

踏入三十四歲,容祖兒生日倒數一刻,留給男友劉浩龍。

天後女友牛一,劉浩龍出盡法寶,在 Joey生日前一天(十五日),包下位於半島酒店地庫的 Salon de Ning,廣邀友好,陪女友迎接三十四歲。

當晚有份做陪客的貴賓,均預先收到邀請卡。 Party晚上十時開始, Joey好友包括 Wyman、李克勤夫婦、蔡一智夫婦、蔡一傑、阿 Sa、陳偉霆、阿嬌等,全部到齊。

「 Joey生日,師兄一早預咗搞大佢,事前又周圍問人,睇嚇喺邊度開 party最好,又預先印埋邀請卡,度定曬請 Joey邊啲朋友、舊同學,甚至演唱會 dancers,總之好似搞 event咁好認真;最後揀咗半島 Salon de Ning,不過呢個場其實逢星期日、星期一休息,師兄左託右託,先破例星期日專登開個場俾佢哋,又俾自己帶酒去。嗰晚淨係開瓶費,都使咗過萬蚊。」知情者說。

平日愛黐家的李克勤,與老婆盧淑儀玩到淩晨一點半才離開。

剛開完演唱會的蔡一傑、蔡一智,獲邀出席生日派對。

好姊妹阿 Sa,與男友陳偉霆,留到最後才走。

開房過夜

男友花心思安排一切,預咗找數的壽星,即使貼錢換開心,亦毫不在意。

「 Joey嗰晚真係好 high,不停同人飲,玩到淩晨兩點,佢已經冧咗,最後要喺酒店攞房瞓一晚。幾十人玩咗成晚,埋單都係七萬蚊, Joey用嘅卡仲有八五折添!」容祖兒身邊人說。

第二日(十六日), Joey與男友二人世界過生日正日,下午四時,劉浩龍一個人駕車到九龍城方榮記買了兩碗牛肉粉和炒菜回家餵女友,埋單兩嚿有找。

正所謂好又一餐唔好又一餐,容祖兒冇計!

與 Joey同日生日的明哥,做完「一點粉紅」活動,即趕到現場與祖兒一齊切生日蛋糕。

阿 Sa、阿嬌輪流灌祖兒,搞到壽星女醉曬。

未到正日,老闆楊受成已 call齊英皇員工,為祖兒慶生。

祖兒農曆生日,與媽咪切蛋糕。

85折消費

容祖兒 34歲生日大搞,自己找數,冇問題,天後有半島白金卡, 85折消費,慳唔少!

生日 P開支

包場費用 $20,000

酒水連開瓶費 $40,000

小食 $20,000

豪華海景客房一晚 $6,000

約共:$86,000× 85折

約共:$73,100



鍾意就快D Share啦!