2014年6月19日 星期四

[壹週刊 1267] 背住秦沛女 鄭俊弘偷食四條 Q 鄭俊弘,秦沛,M1,




一直不肯承認薑麗文女友身份的鄭俊弘,上月兩人出席港台活動,被記者拉攏,才尷尬合照。

探熱針

背住秦沛女 鄭俊弘偷食四條 Q

憑住《星夢傳奇》彈出的 Fred鄭俊弘,由三打七升呢成為無綫力捧小生。樹大招風,加上為人熱情,尤其對滿口英文的半唐番異性分外體貼關照,惹來唔少「桃花」送上門。早前 Fred同「巨聲妹」王嘉儀在大坑消夜斷正,搞到被正印薑麗文胞兄薑文傑公開寸「多女埋身」。

據知,主張食得唔好嘥的 Fred,有今屆港姐亞軍蔡思貝做主動示好外,今屆藝員訓練班學生吳珮如,僅拍過一次外景,就被鄭師兄成功抄牌。新丁易入手?棘手嘅都得,處女教徒王君馨,同樣中伏。

秦沛女薑麗文做正印,鄭俊弘再有四條 Queen在手,簡直係「星夢」版韋小寶。








港姐主動出手

自從在《星夢傳奇》彈出,鄭俊弘為求無綫一紙經理人合約,死口唔認薑麗文( Lesley)女友身份,更因此激嬲「未來外父」秦沛。

Lesley為男友前途,甘心做「隱形女友」,鄭俊弘唔珍惜,還背著正印,享受四方八面而來的「桃花」,當中包括早前同 Fred合作拍攝劇集《牛頭愛搭馬咀》,今屆港姐亞軍蔡思貝( Sisley)。

眼見對方初入行,對鏡頭、走位一竅不通, Fred自動獻殷勤,令 Sisley對他留下極佳印象。其後兩人再合作新劇《商戰》, Fred對 Sisley的關懷有增無減,加上開工日對夜對,鬼妹仔性格的 Sisley索性主動出擊。

女追男,隔重紗, Fred亦懶理自己有個正印女友,不時同 Sisley在拍攝現場公然打情罵俏。

「個超市廣告出咗街之後,唔少人都話 Fred同 Sisley好襯,公司都有意拉埋佢哋做情侶檔。成個劇組都知 Sisley冧 Fred,對住佢特別嗲聲嗲氣, Fred不知幾冧!」一名幕後人員透露。

鏡頭後,拍拖男女零交流,薑麗文行過,鄭俊弘刻意側身避開。

公司有意撮合鄭俊弘同蔡思貝情侶檔搵食,兩人亦毫不避忌在社交網站打情罵俏。

抄牌入屋

同港姐新歡情投意合,月前幫公司拍攝宣傳片時, Fred認識了今屆藝員訓練班學員吳珮如,對方要求合照, Fred亦把握機會,即場「抄牌」。

獲師兄欣賞,吳珮如亦主動聯絡 Fred,甚至投其所好,經常相約跑步、行山。為避開傳媒耳目,女方不時半夜三更摸上 Fred位於北角的寓所短聚。搭上力捧小生,吳珮如極度自豪,不論對住訓練班同學,抑或圈外朋友,經常有意無意透露兩人的短訊內容及行蹤。

「阿如(吳珮如)同 Lesley(薑麗文)一樣係滿口英文嘅鬼妺仔,性格又主動,兩個交換咗電話之後,阿如成日 WhatsApp約人去街,無論 Fred幾忙,都一定抽時間見,阿如又慌死無人知四圍講,所以佢同 Fred有嘢,好多人都知!」吳珮如身邊人透露。

同吳珮如愈玩愈 open,近月鄭俊弘甚至全面開放北角住所,任由對方自出自入兼陪跑步,公司上下,亦有不少人撞過兩人孖咇到西灣河海旁練跑。

「公司好多人都見過 Fred去西灣河海旁跑步,以前一個人或者帶埋隻狗,有時跑到身水身汗仲衫都除埋,但呢排隔籬多咗個女仔,開頭以為係佢女友薑麗文,但睇真啲又唔係,個女仔高啲瘦啲,有人見過佢哋一支水兩份飲,唔似普通朋友。」一名無綫人說。

成面顏料,導演嗌 cut,王君馨即自動波用紙巾幫鄭俊弘抹面。

暗 like鄭俊弘多時的王君馨,開工期間雙眼視線未離開過對方。

本月初鄭俊弘百忙抽空同「巨聲妹」王嘉儀到大坑消夜。

參加第二十七期訓練班的吳珮如,早前正式畢業成為無綫基本演員。

(《蘋果日報》圖片)

冧掂處女教徒

左右逢源,鄭俊弘未夠喉!繼被發現與「巨星幫」的王嘉儀撐枱腳,連「無綫四大處女」之一、與他一起參加《星夢》而混熟的王君馨,同樣是目標獵物之一。

「 Grace(王君馨)做《星夢》嗰陣已經成日同班姊妹講,覺得同 Fred好啱 key,大家鍾意音樂又鬼聲鬼氣,擺到明好冧佢。」

早前,兩人同為世界盃到中環拍宣傳片,所有藝人都要被顏料淋身,但每拍完一個鏡頭,王君馨總是第一時間上前幫 Fred抹去面上顏料,照顧周到,反而身旁的許廷鏗,全程要自己顧自己。

連處女教徒都搞得掂,外表怕怕醜醜的 Fred,原來係高手。

本月初鄭俊弘首次行 catwalk,完騷後蔡思貝秘密閃入後台送花。

一向有揸車開工的鄭俊弘,近月為避傳媒,出入大多改搭交通工具。

鄭俊弘連環偷食斷正,正印薑麗文外出開工心事重重,頻望電話等短訊。

七國咁亂

拍劇、唱歌打孖上,工作排得密麻麻,鄭俊弘仍可以把握機會連環發,穿插正印與四女之間,好精力!

守唔住

藝人事業等運到,但身邊總有另一半默默支持,只是成名之後,身邊人往往已經改頭換面。

羅嘉良

同方敏宜拍拖 16年,由過鏡奀星捱到上一線,雙雙飛加拿大結婚,但婚姻維持九年,羅嘉良拋妻棄子;不到一年,他高調戀內地女星蘇岩,並於 09年於北京結婚擺酒再婚。

梁榮忠

同鍾麗淇拍拖 8年,其間跟住好友李克勤做主持,人氣一度高企; 05年,背住女友同朱慧敏車震斷正,愛情事業即時「震散」,分手後,更催促對方變賣早前贈送的物業分身家。

魏駿傑

98年同滕麗名合拍《陀槍師姐》撻著,同系列劇集亦令他攀上事業高峰。兩人拍拖九年至談婚論嫁, 06年男方在重慶拍劇搭上學生張利華後,翌年 5月,對外宣布九年情玩完,不足半年,魏駿傑閃電同新歡拉埋天窗。



鍾意就快D Share啦!
Related Posts Plugin for WordPress, Blogger...