掃呢頁CODE去手機

2014年6月19日 星期四

[壹週刊 1267] 六保鏢 十套房  G.E.M.扮亞洲天后 G.E.M.,G.E.M,鄧紫棋,M1,




在《我是歌手 2》爆紅的 G.E.M.,愈來愈趾高氣揚。

探熱針

六保鏢 十套房  G.E.M.扮亞洲天後

憑湖南衞視節目《我是歌手 2》成功登陸內地的鄧紫棋 G.E.M.,人紅心更雄!自視為亞洲天後的她,商演開天索價,要求六個保鏢、十間套房為起跳待遇,囂張得令人嘆為觀止!有指 G.E.M.霸道又冇品,連一齊合作拍廣告,名氣強過外星人的韓星金秀賢,都怕咗佢。








大頭症發作

性格天定! G.E.M.仍未有人識時,已經愛在 fb等自家地盤「是但噏」,以敢言自居,乜都加把口。突然唱紅內地,更加變本加厲!在內地爆紅後, G.E.M.大頭症發作,嘲笑香港樂壇唔識寶,強調會留守內地發展,氣燄甚盛。

「佢以前已經成日話香港聽歌嘅人冇質素,而家喺大陸彈起,更加覺得自己睇嘢冇錯,家陣吐氣揚眉,更加睇唔起香港,佢以為自己好有料,乜都唔放喺眼內,亦唔識尊重人;最弊佢公司都當咗佢係無價寶,四圍開咗唔少火頭。」知情者說。

自視過高,隨之而來是自抬身價。商演價一跳六十萬,因為有人爭,據內地客戶透露, G.E.M.近月已將商演價加到一百萬,更講到明鐵價不二。

「內地人鍾意請明星藝人,個市場又大,敲門嘅人多,有啲活動只係要求佢亮嚇相,半個鐘唔使就閃得,佢都企硬一百萬。」比起謝安琪收三十萬, G.E.M.大比數拋離。

要疊馬

G.E.M.自從在內地響朵後,出入都要一大堆人前呼後擁的保護她,當正自己是天王巨星。

爭地盤

所有商演海報必須以 G.E.M.的相片放正中間, size要最大為原則;右面海報是湖南衞視的節目, G.E.M.才勉強放寬條件。

企硬搶

G.E.M.現在一場商演要一百萬,一個崩都唔少得。

愛擺款

每次出埠工作, G.E.M.必定要求兩張頭等、兩張商務及十張經濟客位機票,服侍她非常重皮。

她出外做騷,一隊就霸足十四間房,她自己當然要住超豪靚房。

遭金秀賢冷待的 G.E.M.,拍廣告期間唯有玩自拍打發時間。

由於語言不通,金秀賢與 G.E.M.在上海拍廣告期間全程零交流,令自視過高的 G.E.M.很不爽。

要求票房分賬

係威係勢,但短短日子, G.E.M.人品性格露曬底,囂張例子,包括提出同米飯班主分賬。「演唱會開到二百萬一場,都有人肯照俾,點知佢仲要規定所有門票收入,要先存入佢公司戶口,佢公司佔三分一,餘下嘅三分二,再由佢哋分番出嚟俾其他單位,霸道到咁,真係聞所未聞。」一名內地製作人說。

錢行先外, G.E.M.更當正自己是亞洲天後,主辦商搞個唱,未見官先打八十,苛刻條件包括:兩張頭等、兩張商務客位、十張經濟客位機票外,必須提供十四間房(包括十間套房)及六個黑人保鏢團跟身。

「無論合作過又或者洽談合作中嘅人,都嗌冇下次!國內有好多人喺背後都係咁講:睇佢紅得幾耐?」

G.E.M.經常口出狂言得罪人,經理人張丹(右)要不停為她補鑊。

現在 G.E.M.拍一個廣告收千萬鐵價,與之前拍的廣告相比,何止升價十倍。

G.E.M.在圈中冇乜朋友,同李蘊交情算深。

千萬誠意價

有段時間為出位,乜都自薦做一餐,連傭工都做過,成功搏見報。

上月尾, G.E.M.跟紅爆亞洲的韓星金秀賢合作拍廣告,因不甘被對方冷待,竟公開還拖,聲稱不知金秀賢有幾紅,結果被網民狂插,指她心胸狹窄。

「佢真係有自大症!所有商演活動海報,佢嘅相規定要放正中間,張相一定要比其他人大,仲試過真係當住人面前攞把尺出嚟度,有次個客已經印好曬海報,因為張相尺寸唔啱佢心意,佢堅持要個客重新印過另一批,否則就唔做。」比天後更天後的 G.E.M.,最新廣告價嗌一千萬人仔,有客戶開出七百五十萬人民幣找她拍汽車廣告,亦遭斷然拒絕。

「佢覺得以自己今時今日嘅身價地位,一千萬係誠意價,去唔到呢個數,傾都費事,簡直係目中無人。」知情者說。

積犯

近幾個月, G.E.M.被內地客及廣告商勁投訴開天索價目中無人,愈來愈霸道!由去年初辣㷫前輩甄妮,剃無綫眼眉,鬧商台, G.E.M.的戰線,已伸延至國內。

辣前輩

甄妮自嘲唔夠「大隻」,所以 G.E.M.在她面前行來行去,都見不到她亦不打招呼,公開斥 G.E.M.冇禮貌。

剃眼眉

天生愛搞對抗的 G.E.M., 12年向亞視自薦做天氣女郎,擺明剃無綫眼眉。

鬧商台

在微博公開質疑商台頒獎禮已變質,偏幫環球、造馬令她五強不入。



鍾意就快D Share啦!