2014年6月19日 星期四

[壹週刊 1267] 播映無期 內地失守 林峯新劇冰封 M1,




周麗淇寄望憑《衞子夫》攻內地市場,卻被林峯拖累,等了大半年,仍未有內地電視台購入播放。

探熱針

播映無期 內地失守 林峯新劇冰封

林峯周麗淇孭飛, nowTV投資的內地劇《大漢賢後衞子夫》,去年五月在橫店開機,至今起貨大半年,仍未有內地電視台睇啱出資買播映權,為此,無綫原計劃三月在高清台播的安排,亦被迫延期。

據知,林峯之前與葉璿合作的《紫釵奇緣》在內地收視不理想,令他人氣失守;近日投資者即使在上海電視節繼續 sell,劇集亦未有被當成重點推介,不樂觀!








一肚氣

由 nowTV與華策影視合作的內地劇《大漢賢後衞子夫》,投資超過半億,有無綫過檔的王牌監製劉家豪、梅小青操刀,但作品先後經過兩輪內地電視節推介,至今仍無人問津,劇集播出無期。

「小青姐同家豪哥過檔係威係勢,拍呢套《大漢賢後衞子夫》進軍大陸市場, now投資咗唔少錢,仲搞掂樂易玲,放林峯俾期接拍,大家對套劇好大期望,無諗過 sell唔出。」知情者說。

據了解,當初為滿足無綫一哥林峯要求,投資方低聲下氣配合,如今賠了夫人又折兵,有份俾錢的華策影視,難免一肚氣。

「林峯除咗要收八百萬,其他條件都好辣,好似埋位三個月,佢住橫店頂級酒店貴賓樓,跟佢嘅助手髮型化妝要住獨立房間,連女友吳千語嚟探班,機票酒店住宿都開埋公數。」

拍《大漢賢後衞子夫》期間,林峯用公費請埋女友吳千語到橫店陪玩,更公然拖實 BB出入片場。

林峯決心離無綫,之前便與葉璿合作內地劇《紫釵奇緣》,可惜收視不濟。

大頭痕

在林峯身上花了一大筆,但近年只顧拍拖的他,在國內人氣已逐漸失守。

「林峯開工帶埋 BB喺橫店片場拍拖,喺內地都有傳媒報導,話佢唔夠專業,加上之前同葉璿套《紫釵奇緣》收視好差,電視台唔想血本無歸,而家買片比早兩年手緊咗好多。」一位內地製作人說。

劇集播映無期,投資半億隨時渣都冇! nowTV十分頭痛。

「套劇舊年八月煞科, now嗰邊同無綫有共識,計劃好今年三月安排喺無綫高清台播,而家因為內地未出街,香港幾時播都未知。」

就劇集延期播出, nowTV製作部副總經理梅小青直認《大漢賢後衞子夫》未能三月播出。

「內地電視台都未播,咁點會三月喺無綫做,你話出年三月我就唔敢講!」對於劇集究竟會在內地哪電視台播,她卻顯得迴避。「呢個唔方便透露,等宣傳整好曬先會公布。」梅小青說。

劉家豪、梅小青對《衞子夫》一劇寄予厚望,去年八月煞科,已不停在微博推介,更與無綫協意今年三月在高清台播出。

林峯唔掂,《衞子夫》宣傳手法唯有變陣,力谷劇中女主角、內地演員王珞丹。

《大漢賢後衞子夫》無人要,林峯甩底早前舉行的「上海電視節」,無綫代表只有徐子珊、黃宗澤撐場。

林峯掛住拍拖,女友吳千語更慫恿他退出幕前,接管父親的百億生意王國。

唔一定掂

國內市場大,機會多,唔少香港演員北上吸金,不過唔係個個掂,只顧賺快錢,企唔住腳的大有人在。

鄭嘉穎玩完

11年憑《步步驚心》在內地爆紅,年拍四劇賺過半億,收五十五萬拍《葉問》,唔打得演技唔掂,觀眾鬧爆,甚至有劇冇人吼出唔到街,要回歸無綫,拍攝新劇《天眼》。

陳鍵鋒掂

憑《美人心計》企穩內地市場,劇集擔正男一,近期的《烽火佳人》更成全國收視冠軍及獲選為今屆上海電視節「最佳劇集」冠軍,長做長有。

劉愷威好掂

07年轉戰內地,憑民初劇《鳳穿牡丹》走紅,與國內花旦楊冪拍拖後,人氣再升,夫妻檔拍劇,片酬打孖上。賺人仔,娶北妹,但劉愷威返港置業生女,好穩陣。



鍾意就快D Share啦!
Related Posts Plugin for WordPress, Blogger...