2014年7月25日 星期五

[忽然1周 991] 狂操弗飲補湯  52歲杜德偉轉軚生仔 杜德偉,MW,




今年  keep得到

杜德偉近年冇乜時間操肌,但身形總算 keep得到,現在他跟隨阿哥杜德智玩 gym修身。

娛樂喧

狂操弗飲補湯  52歲杜德偉轉軚生仔

闊別香港樂壇 15年的杜德偉,今年簽新公司成為周秀娜師兄,再戰江湖出廣東碟外,下月中更開兩場紅館個唱。

復出唔輸得,杜德偉為重奪舞王地位,早於三個月前已開始排舞,更搵來阿哥杜德智操肌,力保人魚線。杜太李曉冰為照顧老公一日三餐,更辭退廣告攝影師工作,她說:「佢應承做完演唱會就生 BB。」今年已經 52歲的杜德偉,曾揚言享受二人世界,唔肯生仔。不過現時轉軚想生,杜太辭埋份工都係值嘅!








為刺激觀眾視覺,杜德偉預告在即將舉行的紅館個唱中放雀,他笑說:「我之前已經着底褲唱歌,今次會去到好盡,除到唔俾人拉,或者搞吓新意思,搵魔術師嚟放雀。」脫得徹底,平時有行山習慣、身形不錯的他,也為個唱加入肌男行列。

結婚兩年

2012年,杜德偉於沙田凱悅酒店迎娶比他年輕 24年嫩妻李曉冰,梁朝偉、梁家輝等人更擔任兄弟團,星光𦒉𦒉。

《 FACE》圖片

25年前 Baby Fat

1985年參加新秀出道的杜德偉,以跳舞快歌打響名堂,當時他身形有點 baby fat。

10年前弗爆

杜德偉近年轉戰台灣搵食,十年前更推出國語碟《脫掉》,每次唱歌例牌除剩內褲。雖然他當時已 42歲,但身形不錯,胸肌腹肌人魚線樣樣齊。

《台灣蘋果日報》圖片

日操十粒鐘

杜德偉阿哥杜德智是星級健身教練,曾將原本零肌肉的方力申操成筋肉人。近水樓台,杜德偉當然搵阿哥教路。他說:「我依家每朝起身面都唔洗,就先喺屋企跑步機跑半個鐘,之後去阿哥嗰度健身,下晝再去排舞,每日要操成十粒鐘。」

周日( 20日),杜德偉到杜德智位於天后的私人健身中心操肌,雖然他已年屆 52歲,但身手相當靈活。不過可能練習時間太長關係,杜德偉有時亦操到上氣不接下氣。旁邊的杜德智說:「今次唔係想操到佢變爆肌嗰種,而係要弗要有線條,所以每套動作唔會做好多下。佢好勤力㗎,不過佢太耐冇操,要操番多啲!」

老婆送飯

記者採訪當日,杜德偉太太親自帶自家煮的翠玉瓜和紅糙米來探班,她更經常在旁提點老公切勿食得過急。

杜德偉平時鍾意孖老婆遠足,更試過與周潤發組團行山。

密集式排舞

由於今次個唱以快歌為主,因此杜德偉現時每日至少排舞五個鐘。他指現時的年輕 dancer猶如洪水猛獸,「佢哋好似跳極都唔會攰,真係好得人驚。」

強腰補腎湯

杜德偉岳母每日煲花生木瓜海底椰排骨湯俾女婿,此湯水有強腰補腎和潤肺止咳功效。

票房 OK

杜德偉話晒消失本地娛圈一排,其演唱會票房比薛凱琪好,已算還得神落。

岳父催生 B

早前杜德偉出席個唱記招,特登搵前度吳君如助陣。

《蘋果日報》圖片

搏命為個唱操肌,皆因杜德偉完騷後要全力造人。他前年結婚時,岳父曾送過一條足金豬俾他,寓意要三年抱兩。據知他結婚以來,岳父岳母不時放風話想抱孫,但杜德偉希望搏殺多一兩年才計劃生 B。不過兩家人現時已傾掂數,杜說:「我同老婆就生仔問題嚴肅咁開過會。我依家唔想生多個出嚟,將焦點分散咗,演唱會之後先計劃造人。」

至於杜太為配合老公開騷,除辭去廣告攝影師工作,更每日煮足三餐多纖維兼低脂私房菜,直接速遞到排舞室。杜德偉說:「我老婆勁㗎!識得煮好多嘢!」身旁的杜太原本不想接受訪問,但她亦忍唔住說:「煮嘢俾佢食好有滿足感,因為我煮乜佢都話好食。」提到傾掂數生仔,杜太說:「佢應承我完演唱會考慮生 BB,我阿爸阿媽話愈多愈好。不過唔怕啦,睇下佢(指住老公)仲成個𡃁仔咁!」有心有力,生仔事半功倍!



鍾意就快D Share啦!
Related Posts Plugin for WordPress, Blogger...