2014年7月10日 星期四

[壹週刊 1270] 死性不改 踎完又出動 劉公子老銅歎大隻仔 劉定成 劉公子,溫家偉,大隻仔,BKD_S,劉定成,M1,




相約大隻仔伴遊老銅,劉公子果然識食。

探熱針

死性不改 踎完又出動 劉公子老銅歎大隻仔

前年因為非禮恐嚇男藝人,被判罪成的「劉公子」劉定成,經過十七個月牢獄生涯已重獲自由,早個禮拜,他出動獵食,相約六呎巨胸大隻仔,伴遊銅鑼灣。

兩個著住孖公仔短褲,去完時代廣場醫肚,再去連卡佛買衫,即使大隻仔對名牌時裝冇興趣未有同行陪買,卻願意力抗悶熱天氣,企街等劉公子四十五分鐘。

Man啲好?抑或溫柔啲好?大隻仔對劉公子,最好!

短褲黨

多次強調自己熱愛攝影,作品來自意念、唔係肉體的「劉公子」劉定成,前年因為涉嫌非禮恐嚇男藝人,警方更於他的寓所內搜出六萬多張雄風肉照,當中不乏露毛大特寫,甚至有傳羅仲謙、張景淳等男藝人,全裸出現在劉公子的攝影集中。

最終劉公子非禮恐嚇罪成,入獄十七個月,其間雖然成功保釋上訴,但去年法庭決定維持原判,無情講。

剛離開鐵窗生涯,劉公子已急不及待四出獵食。早個禮拜,劉公子與一男一女朋友在時代廣場傾了一陣,跟住便急急腳走人,趕住會合一名穿白背心曬胸肌的短褲大隻仔。

當日同樣穿上短褲的劉公子,與大隻仔到時代廣場地庫的餐廳撐枱腳醫肚期間,熱情主動的劉公子一直長篇大論,又拿出手提電話,讓大隻仔欣賞內裡的照片。

熱愛攝影的劉公子,攞出手機俾大隻仔睇完相之後,居然用白毛巾包住部手機,好珍貴!(下圖黃圈)

非禮及恐嚇罪成,劉公子入獄四個多月後成功保釋上訴,冇自由,劉公子一度急瘦四十多磅變人乾。

(《蘋果日報》圖片)

落足嘴頭

對食一小時,大隻仔想「𡁻完鬆」,劉公子卻依依不捨,努力留人。有本事憑三寸不爛之舌,氹掂男星男模甚至警察,穿起 T-back玩拱橋擘一字馬給他舉機留影的劉公子,三言兩語,已令大隻仔心軟留低。

之後劉公子提議到樓上連卡佛買衫,大隻仔對名牌無興趣,寧願一個人企街乾蒸,熱住等。

另一邊廂,劉公子在連卡佛遊走於時裝與男店員之間,睇衫試衫,同 sales吹水,足足玩了四十五分鐘,難得大隻仔依然寸步不離,一條心等劉公子回來,再孖公仔趕下場。

(《 Face》圖片)

劉公子曾以「食家」身份批評巨胸羅仲謙「得咁大」。

劉公子勸大隻仔唔好走,對方雙眼居然顧住𥄫女。

劉公子上樓上 shopping,大隻仔就響樓下等,好有心!



鍾意就快D Share啦!
Related Posts Plugin for WordPress, Blogger...