嘴爆密照流出，就算有蔣家旻在身邊，羅天宇全晚依然悶悶不樂。
探熱針
溝女天王 連嗒苟芸慧高海寧湯洛雯 羅天宇再歎蔣家旻
○八年港男冠軍羅天宇，與「殘廁 gathering」主角 Coffee的嘴爆密照曝光後，終揭發怕醜港男原來是溝女王。
○九年，羅天宇入行不久已撻著當年還未發福索苟，入組《愛•回家》後，又溝掂有「嫩佘」之稱、 33C新一代宅男女神蔣家旻，甚至移船就磡，搬入同一屋苑，方便日日做司機接送對方；直至去年羅天宇暗溝湯洛雯，導致分手，但分完又合。日前，要離組的蔣家旻最後一次埋位拍《愛•回家》後，由男友揸車送到西貢開餐。二十六歲的羅天宇，有計又識食。
歎咖啡被照肺
憑處境劇《愛•回家》為人所識的○八年港男冠軍羅天宇，最近因與「殘廁 gathering」主角 Coffee的嘴爆密照曝光，成為新聞人物， Coffee被公司炒魷，羅天宇亦被高層照肺。
「呢排《愛•回家》咁多是非，監製都有叫啲演員低調啲，同 Coffee單嘢爆咗出嚟，天宇俾珍姐捉去照肺，叫佢要小心啲，睇實自己形象；天宇都有同身邊朋友呻，覺得俾人出賣。啲相出咗街佢都即刻打俾 Coffee，對方喊曬話係朋友放啲相出去，佢都無辦法。天宇都冇嘢好做，呢排搬咗返媽咪屋企，暫時避開嚇。」羅天宇身邊人說。
搬屋方便捉嫩佘
二十六歲的羅天宇，看似斯文老實，實則是溝女高手。一二年加入《愛•回家》劇組，與當時在《天與地》演「嫩佘」的蔣家旻做兄妹，一家人，對手戲特別多，其時，適逢與苟芸慧甩拖，羅天宇即鎖定「嫩佘」，為易於親近，更專登搬入日出康城做鄰居，開工收工一齊走，大條道理。
「 Angel（蔣家旻）性格好易同人熟，對手戲又多，所以好快同天宇撻著。收工 Angel一定係坐男友車返屋企； Angel要學整蛋糕，天宇都陪埋一齊去學，真係好識冧女！」知情者說。
試過湯洛雯
去年中，湯鎮業姪女湯洛雯加入《愛•回家》，被安排與羅天宇演情侶，二人孖咇到元朗吃酸辣粉斷正後，「兄妹」情一度告急。
「其實劇組啲人都睇唔過眼，好似黎諾懿同孻姑（郭少芸），都好錫 Angel。不過收工一齊食嘢好平常，天宇好易就解到畫，佢同湯洛雯只係玩短線，好快就氹番 Angel。」
憑《愛•回家》馬子妮一角熱爆，蔣家旻忽然被抽走，剛簽下五年經理人約的她，心情低落。
「《愛•回家》個個月爆騷，而家突然被調走， Angel好擔心，仲試過同孻姑喊曬！大家都好撐佢，又安慰話調走未必唔好，因為咁先有機會拍其他劇集。」
翻撻食「常餐」
上週一（六月三十日），蔣家旻最後一次「回家」後，坐羅天宇車離開電視城，往西貢金九記，會合馬家成員，「一家人」開餐。
抵埗後，二人一齊行去餐廳，其間又行番轉頭，只見羅天宇伸手入司機位係咁摷，同時不斷與站在一旁的女友傾偈，之後蔣家旻亦幫埋手，十分有默契。
明知男友鍾意食「快餐」，蔣家旻依然甘心做羅天宇「常餐」，你情我願。
俾高 Ling頂走
24歲的蔣家旻，憑《天與地》演少女版佘詩曼及《愛•回家》馬子妮一角為人識，去年更連拍兩部電影，其中《第一次不是你》獲提名電影金像獎「最佳新演員」，突然人氣急升，無綫亦火速將她由普通藝員約改為五年經理人合約。但因分心拍電影，心散，加上有指監製要捧高海寧，於是將她踢出《愛•回家》，被安排去英國進修半年的馬子妮，要等到尾段，才可以「一家團聚」。
偏愛 C級
溝女戰績彪炳的羅天宇，鍾意「食」又識「食」，浮上地面的三段情，心口均有料到，不多不少， C cup剛好。
蔣家旻
年齡： 24歲
三圍： 33C、 25、 33
入行經過： 07年被挑選成為 TVB People入行
學歷：中五畢業
演出：電視劇——《同事三分親》、《學警狙擊》、《法證先鋒 II》、《天與地》、《大太監》、《愛•回家》等
電影——《溝女不離三兄弟》、《第一次不是你》
走勢：《天與地》演少女版佘詩曼為人識，近期在《愛•回家》的馬子妮一角更深入民心，成網民熱捧新女神。
苟芸慧
年齡： 30歲
三圍： 34C、 25、 35
入行經過： 08年多倫多華裔小姐冠軍、 09年國際中華小姐冠軍
學歷：加拿大卡爾加里大學畢業（主修項目管理）
演出：《怒火街頭 2》、《仁心解碼 2》、《金枝慾孽 2》
走勢： 12年憑《怒火街頭》上位，其後與郭富城拍廣告傳緋聞，近年因情緒病兼甲狀腺出事要用藥，令體重暴脹至 170磅變成「肥苟」，事業直插。
林芊妤 Coffee
年齡： 24歲
三圍： 34C、 24、 34
入行經過： 08年被錢國偉發掘擔任「 Sing之天使」
學歷：中五畢業
演出：在無綫劇集演閒角
走勢：無擔戲經驗，直至上月爆出「殘廁 gathering」事件被無綫解約，才為人留意。
愛死 TVB
羅天宇是 08年港男少年組冠軍，出道幾年，緋聞不斷， 26歲仔，在無綫姐仔林中，享盡「美食」。
|
鍾意就快D Share啦！
|
|
|
