熱爆娛樂: [壹週刊 1270] 發雞盲　栢芝三日連撞兩的士 M1,

2014年7月10日星期四

[壹週刊 1270] 發雞盲　栢芝三日連撞兩的士 M1,

上月二十九日下午一時左右，栢芝揸住過百萬四驅車在尖沙咀柯士甸道，從後撞向的士；這是繼她二十七日在中環撞向前行的士，前後不過三日。

探熱針

發雞盲　栢芝三日連撞兩的士

行蹤、情緒、性格都飄忽的張栢芝，揸車技術更飄忽。上月中帶埋兩個囝囝 Lucas、 Quintus從新加坡回港放暑假，短短三日內竟然發生兩次交通意外，全部撞的士車尾，雖然無造成嚴重損傷，但栢芝這個人肉炸彈，已成為的士大佬的馬路剋星。

五分鐘傾掂數

昔日有多次撞車記錄的張栢芝，六月二十七日下午，揸住過百萬的黑色 Range Rover載兩子遊街，結果在中環與的士相撞，坐在車頭的 Lucas幸未有大礙，但的士司機報稱受傷，要求報警，據知最終賠錢了事。

港島區出事，兩日後，輪到九龍區。二十九日（星期日）下午一時，戴黑超的栢芝繼續出動她的 Range Rover戰車，當駛經柯士甸道龍堡酒店對出馬路，從後撞向前面的士車尾。

據現場目擊意外人士說：「好在當時車速唔算快，不過撞嗰嚇『 bom』一聲，好響，好多途人停低睇嚇發生乜事？反而後面揸車個女人死都唔落車，不過好快俾人認出係張栢芝。」

肇事的士司機落車查看車身損毀情況後，即行埋栢芝座駕，二人隔著車門傾了兩、三分鐘，其間的士司機曾折返車上，再把一張疑似咭片遞給栢芝，之後兩人各有各散，整個過程不到五分鐘，亦無報警，相信雙方妥協私下解決賠償問題。

撞向的士時發出聲響，引致途人圍觀，戴著墨鏡不願落車的栢芝，很快被人認出。

揸車經常出意外的栢芝，曾於○二年為無綫仁濟籌款節目錄影飛車時受傷。現場工作人員及記者大為緊張。

唔肯放舊愛巢

根據車牌登記資料顯示，栢芝所駕駛的 Range Rover以公司名義持有，地址一欄是報昔日與霆鋒入住的舂坎角海天徑過億大屋。據知，離婚後，男方一度打算放售舊愛巢，但遭栢芝所阻。

「佢哋一一年傳婚變嗰陣，南區地產已傳呢間屋要放賣，不過每次有人想睇，次次都唔成，聽講係栢芝唔肯，放曬自己啲衫褲雜物喺度，係都唔攞走。」知情人說。

本刊曾到上址查看，大宅停車位泊了栢芝細佬張豪龍的黑色戰車，相信這幢三千呎豪宅已由栢芝「接管」。