掃呢頁CODE去手機

2014年7月10日 星期四

[壹週刊 1270] 身家厚保鏢多 李兆基全勝李國寶 M1,




落車行去商場只係好短路程,但四保鏢一樣金睛火眼,左望右望。

同你吟一吟

身家厚保鏢多 李兆基全勝李國寶

李國寶(東亞銀行董事局主席兼行政總裁),李兆基(恒基兆業、中華煤氣董事局主席再加新鴻基地產董事局副主席),一個銀行家,一個地產商,都係有錢佬,但唔使㩒計數機,講身家,點都係四叔多一大截。

75歲李國寶返工出街,除咗有司機接送,冇保鏢!早排《壹》仔見到佢走咗去 Landmark間 Laduree買 macaron,買完行返去東亞銀行總行,全程一支公,自己搞掂。

李國寶獨來獨往, 86歲嘅李兆基就大陣仗得多。

上星期日,四叔去中環剪髮,四個西裝保鏢護送,喺皇後大道中落車,四保鏢一字排開,有前有後夾住老細喺中間;行到去商場,搭自動電梯上樓,改陣式變一前三後。四叔扮靚仔一粒鐘,保鏢亦冇鬆懈,甚至高空站崗,由上而下,留意商場內有冇任何可疑人物。

身家有幾厚?同身邊有幾多個保鏢?絕對掛鈎。



搭自動電梯上樓,保鏢一前三後,四叔扮靚期間,保鏢居高臨下,留意下層情況。



四叔幫襯嘅係舊式理髮店,肯定打賞多過剪髮錢。

喺 Landmark買完 macaron,李國寶自己一個行返公司。



鍾意就快D Share啦!