上星期三（七月二日），同朋友傾完生意，霆鋒行去新世界大廈上車，沿途雙手插袋， chok爆！
同你吟一吟
謝霆鋒埋位價 2000萬
幫浙江衞視拍飲食節目《十二道鋒味》嘅謝霆鋒，過去半年去勻歐洲、澳洲再加中港澳，仲要狂碌人情咭搵嘉賓，代價係有二千萬人仔落袋。
要付出時間飛來飛去，仲欠落一籮人情債，不過始終唔似拍戲咁辛苦，當去遊埠飲飲食食，仲有錢收，呢條數，有賺冇蝕。
八珍聽二五講，由拍英皇投資嘅《救火英雄》開始，片酬由千五跳到上二千萬嘅霆鋒，接戲企硬一個崩唔減，唔啱價就推，包括《澳門風雲 2》同《臥虎藏龍 2》。
都係嘅，話就話有幾頭家要養，不過謝霆鋒有後期製作公司，又搞飲食，仲有樓有鋪，搵錢路數多，推一、兩部戲賺少幾千萬，留番啲時間，得閒同朋友吹住大煙（雪茄）傾生意經，仲搵得多
|
鍾意就快D Share啦！
|
|
|
