掃呢頁CODE去手機

2014年7月10日 星期四

[壹週刊 1270] 江希文四十後起運 江希文,M1,




早個禮拜,《壹》仔喺中環滙豐總行見到江希文,坐響大額客戶專區,咁住得四千呎大屋,冇理由要走去排隊嘅。

同你吟一吟

江希文四十後起運

因為有咗餡,江希文(原名江欣慈) 12年同拍拖只得六個月嘅資深大律師胡漢清,喺英國閃婚兼待產。舊年老公同奶奶爭身家,大住個肚嘅佢,喺微博連發十三條信息,隔空幫拖,搞到老人家公開話唔會認佢做新抱。

胡漢清母子錢銀紛爭講掂數,奶奶亦返咗加拿大,冇人篤眼篤鼻,江希文於是帶埋已經滿一歲嘅 B女,由英國返港。坐正做大狀夫人, 43歲江希文住沙宣道四千呎大屋,去銀行理財,享用大額尊貴戶服務,好合理。

92年入行, hea咗廿年,從未紅過,人氣名氣亦同佢扮乜似乜嘅家姐江欣燕差一大截;但時來運到,四十歲後,開始有運行。之但係,個運究竟可以行幾耐?就難講嘞!

俾阿媽繑住,自己又孭住 B女嘅江希文過馬路唔怕危險,睇見都牙煙。

囡囡都滿咗一歲,但江希文仲係肥成咁。

四十歲後轉入直路,江希文同胡漢清,仲有當時未離婚嘅江欣燕出席家庭活動。



鍾意就快D Share啦!