【動主播召喚】紫盈BB好得戚 雨僑無人識
【動主播召喚】紫盈BB好得戚 雨僑無人識
【動主播召喚】「淚的小花」黃紫盈及《喜愛夜蒲3》女主角雨僑，昨日去到會展為動主播召喚動漫即場挑機考考一班參賽者。
做過主播的紫盈，用自己的強項出題，要求參賽者嘉明介紹展品，而且不能夠有懶音。紫盈最後不但「收貨」，更大讚嘉明做足準備又專業：「我覺得好好嘅地方係眼神接觸，你全程有望我，成個故事好似話畀我聽咁。」不過嘉明掛住望紫盈唔記得望鏡頭，要扣少少分。聽完評語，嘉明選了「航空母艦」LEGO送給紫盈，指紫盈喜歡四圍去，坐航空母艦剛剛好，這樣細心，當然逗得紫盈心花怒放。
有得玩仲收到參賽者嘉明(圖左一)禮物，紫盈BB當然開心又得戚
紫盈有得玩又有禮物收當然得戚，雨僑似乎就沒有這樣幸運了。身為「美容達人」的她，指導兩位參賽者Rainbow及阿沈為對方化妝。結果雙方實在「太落力」，效果嚇度十足，但勝在一筆一劃全部有得解釋，算是有創意。
兩位參賽者其後需要保持着「驚嚇妝」為雨僑做訪問，雨僑特別欣賞兩位做足資料搜集：「好精靈啊佢哋！有時遇到啲訪問嘅朋友，好似連我係邊個都唔知咁！」嘩，唔知邊個記者咁大膽呢？
到底五日來多位做過動漫即場挑機的參賽者，誰可入圍參加動主播召喚下一輪比賽？繼續留意動新聞！
Rainbow(圖右二)及阿沈(圖右一)，被對方畫到這樣還是繼續訪問，專業！
|
鍾意就快D Share啦！
|
|
|
