【輸家唔止林建名】趙哲妤俾人搶咗條仔？ 明寸何傲兒貪錢博宣傳
2014-07-30 13:11:00
咁搞法！真係唔知邊個想搶邊個條仔？
何傲兒同周子揚被拍到情不自禁車廂激吻，之後公開承認拍拖，76歲林建名輸畀年輕「西貢地王」個仔，都要無奈接受喇！因為人哋都認拍拖咯！
今日就有周刊報道話，周子揚同何傲兒極速撻著，仲話咁快見埋家長，西貢地王見過何傲兒幾次，都係周子揚喺屋企搞GATHERING見過，不過對何傲兒印象好好，似乎極之讚成囝囝同何傲兒一齊，「兒子戀」應該發展順利！
不過，今日又有另一則報道、搬咗個「程咬金」出嚟，此人就係趙哲妤也。佢講「兒子戀」單嘢嗰陣，口快快話有人搶佢條仔，仲話單嘢擺明係有人做宣傳，趙哲妤話同周子揚係青梅竹馬嗰種，以前一齊讀master，放學又一齊食飯，仲見過周子揚爹哋、媽咪，以前周子揚拍拖會同佢提起，但係今次咩都無講過，仲話周子揚唔喜歡貪錢女仔，所以暗指何傲兒係為咗博宣傳。
不過，「兒子戀」當時人已公開承認拍拖，趙哲妤又係邊位呢？
賢良淑德，鄰家女孩，何傲兒好似都有呢啲特質，唔怪得周子揚冧爆喇！
趙哲妤應該輸得心服口服喇！
舉手反對都無用
|
鍾意就快D Share啦！
|
|
|
