掃呢頁CODE去手機

2014年7月23日 星期三

[FACE 374] 澳洲衝上雲霄 柏豪私玩 Skydiving 柏豪,周柏豪,MF,




瞞住公司

難得去澳洲拍新歌〈自由意志〉 MV,柏豪專程租咗架飛機「衝上雲霄」。就嚟 30歲嘅柏豪仲未玩夠,瞞住公司玩完先講。

FBI

澳洲衝上雲霄 柏豪私玩 Skydiving

今年頭,周柏豪發力擸走叱咤「男歌手銀獎」,名氣直迫「男歌手金獎」嘅歌神陳奕迅。人氣係咁升,柏豪梗係發大嚟做,所以今年實行電影同音樂雙線發展。先同彭順「小三」 Liddy(李悅彤)拍完《四非》,最近又拍住心悠 BB(劉心悠)合演浪漫愛情片《小姐誘心》,不過對柏豪來講,唱歌先係主菜。

飛機飛到高空後,機門打開,柏豪臨跳出飛機前,都要自拍留念,睇嚟佢真係一啲都唔驚喎!

啱啱宣布 9月 25及 26日首攻紅館開處男騷嘅柏豪,最近專程飛去澳洲為演唱會主題曲〈自由意志〉拍 MV,順便影埋新碟封套。雖然𠵱家柏豪已升呢坐穩華納一哥,但佢依然唔錫身, FBI收到風,話早排柏豪去澳洲悉尼拍新歌 MV時,竟主動提議租架飛機上天,然後玩 Skydiving(跳傘),點知公司以安全為理由大力反對,事關高層認為柏豪開騷在即,唔應該冒險。

最後柏豪當然瞞住公司偷偷地 book咗架小型飛機衝上雲霄玩 Skydiving柏豪先斬後奏,聽講華納 2大高層知道後都嬲嬲哋,話晒柏豪𠵱家身嬌肉貴,唔好亂嚟呀!

玩 Skydiving前,柏豪要先上一個訓練課程,飛上半空前,更要聽教練指示,檢查好一切裝備後,先可以出發。

去到澳洲,除咗拍 MV,「大文豪」當然要抽空參觀牧場,同綿羊影吓相。

柏豪同心悠 BB合演新戲《小姐誘心》。《小》片上週開鏡,片中 2人飾演夫婦,除咗有咀戲,仲會有床戲,心悠 BB話:「我同柏豪第 1次合作就拍親熱戲,我覺得有新鮮感。」

電話報料: 9106 2799

電郵報料:facenews@nextmedia.com



鍾意就快D Share啦!