2014年7月23日 星期三

[FACE 374] 騎父搵仔 阿仔唔吼何傲兒  76歲林建名喊錯情 林建名,何傲兒,MF,




何傲兒一早睇中林建名孻仔林孝信,借故親近 Uncle林建名。 12年,何傲兒出席林生旗下的鱷魚恤活動,表面撐 Uncle及林建名女兒林煒珊,實質係借故親近孻仔林孝信(左)。

真面目

騎父搵仔 阿仔唔吼何傲兒  76歲林建名喊錯情

76歲林建名同 25歲港姐何傲兒因睇陳慧孄演唱會,期間頭貼頭相當親密而爆出「爺孫戀」。事後何傲兒因為緋聞而唔聽林建名電話,搞到閱女無數的林大少當眾落淚,何傲兒亦為此激動澄清。據知最令何傲兒傷心唔係同大少傳緋聞,而係佢睇中的,其實是林建名孻仔林孝信( Howard),可惜林孝信唔嗒傲兒糖,所以何傲兒先行「 Uncle」政策,向老人家埋手,希望藉此接近林孝信。

最慘係林建名原來輸畀個仔,真係喊都冇謂。



其他影片:>>契女爆大把伴






借林建名親近林孝信

爆出「爺孫戀」後,林建名說冇見過傲兒,佢老人家更忽然感觸,眼淚鼻涕齊流;而何傲兒唔聽林建名電話,何傲兒就急澄清同林生關係,她說:「希望留條生路畀我。」

據知曾面對財政危機的何傲兒父親何世根,一直想兩個女嫁個有錢人,所以不時帶兩女去馬場識人。而林建名亦係由何父介紹給女兒,但何傲兒睇中的,其實唔係 76歲林建名,而係同樣 25歲的林建名兒子林孝信( Howard)。雖然 Howard出名花弗,不過何傲兒相當喜歡這位富三代,所以主動出擊,曾多次向身邊好友講 Howard有幾吸引。可惜 Howard身邊索女多,根本排隊未到何傲兒,何傲兒惟有行「 Uncle」政策,先親近林父再黐近林孝信。

上週三( 16日)林爺爺到書展,出席旗下藝人兼契女劉凱欣新書發布活動,期間講到何傲兒冇聽電話一時感觸落淚,但事後他解釋只係:「多閃燈令我流眼水啫!」《蘋果日報》圖片

林建名同何傲兒父親何世根係世交,近年何傲兒去親馬場,同何父、林建名經常 3人行。(網上圖片)

上週被指同林建名發展爺孫戀,何傲兒即在 facebook澄清。(網上圖片)

「何傲兒係咪我契媽?」

最慘係林建名以為何傲兒係紅顏知己,卻原來何傲兒目標係自己孻仔,林建名為何傲兒「沉船」落淚,受到巴打力撐。

不過真正跟林建名上契的契女文雪兒就力撐契爺,指契爺不會搞爺孫戀,但就承認契爺的確愛跟後生女做 friend:「我有講笑問過佢,何傲兒係咪我契媽?佢話梗係唔係啦。(會唔會其實係想撮合何同個仔一齊?)唔會喇,仔大仔世界……佢係鍾意同後生女,因為令佢可以後生啲,完全唔係諗其他嘢。」

林仔愛𡃁模

勁鍾意夜蒲的林孝信同老豆一樣多桃花,身邊美女多到數唔哂,加上後生靚仔有錢,被女攬好正常啫!(網上圖片)

何傲兒喺無綫星運一般,平時拍綜藝節目多,最近以月野兔造型上王祖藍節目《 Sunday扮嘢王》。下星期為新劇《衝綫》開工。(網上圖片)

老豆林建名愛女星,兒子林孝信就愛𡃁模,前年被拍得跟「 33C」𡃁模羅彩玲喺旺角拍拖,林更氹掂對方返九龍塘林宅短聚。圖片

元祖契女:「啲契女唔理佢係佢口頭禪。」

林建名出名多女圍,每次出巡定有後生女喺身邊,但圈中有幸同佢正式上契的其實得 3位。 7、 80年代麗的花旦文雪兒便是林建名契女之一,不過佢話自己其實是林生第 2代契女,「第一代好似係個醫生。我廿幾歲同佢上契,佢冇追求過我喎……佢成日話啲契女唔理佢,其實佢口頭禪嚟,佢呻下啫!」

契女 1號文雪兒

林建名哭訴契女冇搵佢,但文雪兒否認,「上次陳慧嫻(演唱會)我都喺度呀,佢坐前面,我坐咗後一行咋,我哋有見面。」《蘋果日報》圖片

契女 2號戴夢夢

第三代契女戴夢夢係林建名的大名娛樂旗下藝人,爆出「爺孫戀」後,夢夢喺何傲兒 fb留言撐契爺。

網上圖片

契女 3號劉凱欣

22歲,亦係大名旗下藝人的劉凱欣為林建名最新契女,她早前接受本刊訪問時講明:「我缺乏父愛,林生畀到照顧同温暖我。」契爺聽到點會唔冧?

《蘋果日報》圖片

反骨女

唔係個個大名娛樂旗下女藝人都得到林生痛錫,甚至上契,有啲上唔成契,更反面收場。

尹蓁晞( Yumi) 08年為大名娛樂藝人,當年深得林建名器重,仲出埋寫真。出書當日亦錫咗林生一啖,後來 Yumi因唔聽話被大名解約,被迫到台灣發展。圖片

趙碩之當年喺大名娛樂同林生關係好而耍大牌,後來因合約糾紛,碩之被要求賠 40萬解約收場。



鍾意就快D Share啦!
Related Posts Plugin for WordPress, Blogger...