[FACE 374] 苟姑娘森巴巨無霸 苟姑娘,苟芸慧,MF,

一個月唔見，肥苟肥啲定電單車肥啲，有圖有真相，自己睇。

FBI

苟姑娘森巴巨無霸

明明生得一副花旦相，苟姑娘唔爭氣減極都肥算係點先？世界盃飛咗去巴西個幾月，成個月都捕住個電視睇苟姑娘，唔知係隔住個電視芒、定次次出鏡着波衫遮得好呢， FBI一度以為苟姑娘有心打甩「肥苟」個朵瘦緊添……原來係錯覺。

上週四（ 17日），一班女星出席 Sasa活動，一見苟姑娘，全場行家都 O嘴：「嘩！史上最肥花旦！」問吓苟姑娘搞乜，佢話落機無耐未去水腫喎：「嗰邊多肉少菜、食物好鹹、又成日飲啤酒……不過我唔係肥咗，搭咗二十幾個鐘飛機，落機三十個鐘，未去水腫啫。」你都識講又鹹又多肉又飲啤酒啦，咁都唔肥？賴水腫喎，又唔見一樣去咗巴西嘅陳貝兒水腫？

肥咗嘅好處係通常上圍都會大咗，苟姑娘嘅 Cup數明顯又升咗。

人比人比死人，最慘係大會嘉賓仲有骨巉巉嘅周秀娜。

留喺巴西個多月，多鹽多肉多啤酒，苟姑娘都話係水腫唔係肥。

鍾意就快D Share啦！

下一篇 》