[FACE 374] 捉錯處 留名睇穿崩 無綫膠劇商場扮豪宅 MF,

《天眼》由鄭嘉穎、陳展鵬孭飛，楊怡做女一。下個月就 44歲嘅嘉穎一向 keep得唔錯，據知每次放飯嘉穎都會返屋企食，而烏龍茶就不離手。

真面目

捉錯處　留名睇穿崩　無綫膠劇商場扮豪宅

大台劇出名是是但但，最新代表係仍拍攝中，由鄭嘉穎、陳展鵬孭飛嘅新劇《天眼》。故事最初想抄美劇《 Person Of Interest》玩全港監控，點知唔夠錢兼怕太高難度，結果嘉穎、展鵬由警察變保安，故事亦由監控全港，變監控一個私人屋苑。最好笑呢個屋苑大得離奇，用長沙灣泓景臺做主景，但就借咗尖沙咀 The ONE 16樓嘅商場花園當豪宅花園，再借埋粉嶺、上環其他商廈同私人屋苑扮豪宅實景拍攝，香港人實睇到精神分裂兼媽媽聲。

大台一向致力將是是但但呢個核心價值無限發揚光大。新劇《天眼》最初構思係嘉穎同展鵬做差人，經常透過監視將一啲有犯罪傾向嘅市民拘捕。可惜想得美好，現實卻好殘酷，由於劇中大部分罪行喺屋苑內發生，為咗唔想影響形象，大部分屋苑都拒借場，於是大台惟有將屋苑分拆，四圍借場完成。男主角嘉穎亦唔見得好賣力，打交位動作例必由替身頂，佢就補番個型仔 shot交戲。男角錫身、場地甩皮甩骨，到時大家又要玩 photo hunt啫！

長沙灣泓景臺做主景

劇中屋苑以長沙灣泓景臺作為正門，班主角返工，收工嘅戲分全部呢度門口拍。

上環海防大樓變複式

劇中豪宅屋苑頂樓係複式單位，劇本設定要望到維港景色，於是大台就借上環海防大樓頂樓拍攝，呢個 view香港真係冇幾多豪宅有。

假差館

除咗屋苑要搵地方扮外，劇中差館亦借九龍灣機電工程處扮。拍攝時租兩三架警車到場，大台嚟講叫好認真㗎喇！

尖沙咀 The ONE扮花園

尖沙咀 The ONE16樓空中花園，原為顧客休息地方，《天眼》就攞咗呢度扮豪宅平台花園。最緊要係唔使錢，每集 roller出番嗰名就得喇！

粉嶺歌賦嶺借會所

《天眼》講豪宅當然要有會所，大台就借粉嶺歌斌嶺會所泳池拍攝，仲拍謝雪心游水戲添！咁靚嘅景都係 3,000蚊拍成日，抵到爛！

美劇

《天眼》原先想學美劇《 Person Of Interest》玩全港監控捉賊，有心網友 cap圖話連預告片都抄到原著一模一樣。

電視城萬能 key

原為電視城行政大樓，樂易玲、曾勵珍返工地方， Coffee最近返去見樂大媽就係呢度喇！

行政大樓

《愛．回家》

《愛．回家》史林廖賴律師樓大堂，就係用行政大樓嘅 lobby拍攝，其實呢個景幾乎每套劇都出現㗎

2樓空中花園

另一拍攝熱點係無綫 2樓 canteen對出空地，平時係煲煙地方，但就成日攞嚟做醫院露天 cafe，你睇幾優雅。

Penthouse Sky Lounge

《 On Call 36小時 II》

電視城 Penthouse Sky Lounge平時為藝員練舞、做訪問地方，不過都經常用嚟扮 cafe或者豪宅會所。

《求愛大作戰》

除咗拍劇用外，就連綜藝節目《求愛大作戰》都係呢度拍㗎，貪就手囉。

美孚公園《寒山潛龍》

古裝聖地一定要數美孚公園，幾乎每套古裝都會出現，但原來唔平租㗎，要 9,000蚊拍一日。

港劇

嘉穎哥𠵱家身價好高㗎，拍一集大陸劇要 40萬人仔，返嚟香港仲同你搏咩？《天眼》大部分動作場面都搵替身上陣，補拍大頭先會現真身。

鍾意就快D Share啦！

下一篇 》