2014年7月23日星期三

同林建名上契？何傲兒語塞：林生係唔錯..... 林建名,何傲兒,

【短片】【唔係唔聽電話...】同林建名上契？何傲兒語塞：林生係唔錯.....

2014-07-23 02:51:00

其他影片：>>

【唔係唔聽電話...】同林建名上契？何傲兒語塞：林生係唔錯.....

現年25歲嘅何傲兒與76歲林建名，早前因為相約睇陳慧嫻演唱會，兩人舉止親密，因而爆出「爺孫戀」。

日前林建名現身書展時，就大講「建兒戀」，期間林建名仲爆女方冇接佢電話，令佢脆弱心靈被觸動，忍唔住涕淚縱橫，認真慘慘﹗

何傲兒今午現身藝術中心，出席香港動漫電玩節記者會。講到點解唔聽林建名電話呢？傲兒解釋：「我唔係唔聽電話，有時做嘢電話唔喺身，好似今日做嘢，都未必聽到電話，但林生都有同我爹哋聯絡。」

咁會唔會同林建名上契，做對方契女？何傲兒就話：「林生喺我心目中係好尊敬嘅人，亦係我爹哋好朋友。」

講到佢同家姐何傲芝被指專識有錢人？會否擔心被標籤鍾意錢呢？何傲兒就話：「呢一行啲女仔成日畀人話要識富豪。我未入行前，我爹哋係馬會會員，所以喺我生活圈子入面，都係呢啲朋友囉，我喺呢行食得鹹魚抵得渴，但影響到林先生就唔好意思。」

咁擇偶條件又點呢？何傲兒話：「思想上保護我及愛錫我。（林建名咪啱囉？）Errrr....林生係唔錯，（狂笑）其實我都唔知點答，以事業為重。」

何傲兒表示唔係唔聽林建名電話，只係有時工作期間，冇帶電話喺身。