2014年8月15日 星期五

[忽然1周 994] 疑周子揚連環放料 何傲兒斬纜:係時候停止! 周子揚,何傲兒,MW,




媽咪姐

疑周子揚連環放料 何傲兒斬纜:係時候停止!

呢個馬年真係詭異!

天災人禍一單接一單,就連娛樂圈生態亦鬼咁反常,睇慢啲,都追唔切!好似上個月, 25歲嘅何傲兒先同 76歲林建名驚傳「爺孫戀」,點知轉個頭佢就被影到同 30歲嘅「西貢地王太子爺」周子揚連環啜爆。「兒子戀」曝光,搞到林建名心都酸埋!不過呢,周一( 11日)何傲兒突然單方面 send message俾傳媒話:「對感情仲未 ready!唔會繼續落去!」宣布與周子揚分手。








佢仲同媽咪姐講:「其實有啲嘢,真係要相處落先知。我發覺大家嘅理念係唔一致嘅話,就應該要盡快解決!(呢次分手醞釀咗幾耐?)唔需要醞釀呀!基本上係第二篇報道一出之後嗰一日就分手喇。(係咪覺得有人放料?)嗯……呢一樣嘢就唔去評論!」咦,意有所指喎!

另一邊廂,被分手嘅周子揚就話:「我哋已經分咗手,感情嘅嘢唔想再講。(有人質疑係你放料夾新聞喎?)唔關事。無!無啲咁嘅事!」

何傲兒周一( 11日)宣布與周子揚分手後,即晚喺 fb post張西貢牛牛相,話自己「未有好好的準備去接受一份感情」。 Well,周子揚有「西貢地王太子爺」之稱,唔通暗示自己對牛彈琴?

網友唔多 like

對「兒子戀」極速玩完,唔少網友都覺得何傲兒同周子揚夾埋玩嘢。但唔緊要,亦有人即刻想 date何傲兒,個森林仲喺度!

有指周子揚忽然被飛,心情極 down。話晒上年佢參加《星夢》識咗何傲兒(右三),落足心機親近,仲連人哋家姐(右二)都 friend埋。之前仲有傳佢趁蕭正楠戀黃翠如,追何傲芝㖭。

姊代否認阿爸黐林建名

何父何世根一向做製衣生意,但今年初投資失利,欠 1,400萬巨債,申請破產,但 6月時佢又突然撤銷破產令。有乖女何傲兒嘅支持,係唔同啲!

《蘋果日報》圖片

正所謂一波未平一波又起!啱啱又有報道話何傲兒阿爸何世根破產後,密謀搵林建名科水搞時裝生意搏翻身。所以, 14日嘅「兒子戀」,煙幕嚟啫!媽咪姐又想搵何傲兒傾吓佢係咪「代父報恩」啦?但佢一直無覆,家姐何傲芝就話:「 Daddy呢一刻無任何生意,反而我同細妹小本經營緊 contact lens嘅生意。(有報道話細妹反溝林建名?)呢件事唔係真,只係希望快啲完結,因為影響到 uncle(林建名)。」

噢,真係好嘞!兩姊妹都咁錫住老人家,睇嚟林大少之後唔使流眼水上 C1咯。 Thanks God!

逢咀必「皇」快閃情

7/22

上個月 22號,啱啱同林建名傳「爺孫戀」嘅何傲兒,被影到同周子揚去 MageBox睇戲,再遊車河,環遊東九龍。

《蘋果日報》圖片

周子揚送何傲兒返到日出康城,情不自禁咀足 15秒。「兒子戀」寃氣見光!

8/10

周日( 10日)何傲兒同周子揚又出動,仲去沙田行多人到癲嘅宜家,勇於打破藝人拍拖要低調嘅定律。

《蘋果日報》圖片

呢 pair熱戀情侶仲喺宜家梳化上,嚟個連環 13啜。點知第二日( 11日)何傲兒就突然公開話自己未 ready,單方面宣布分手。

大少出招反勝

自爆有超過 1,000個性伴侶嘅 76歲林大少林建名,梗係食鹽多過 30歲嘅周子揚食米嘅。自「兒子戀」曝光後,佢先拖長髮嫩女「婷婷」在九展睇騷示威,再去台灣搵爆乳台妹 Alice安慰。結果,「兒子戀」光速散,林大少笑騎騎回應話成日同何傲兒食飯,仲自爆何有打俾佢,但自己開緊會,無接電話。威喇威喇!

《蘋果日報》圖片

上個月 16日,林建名現身書展,講到同佢傳「爺孫戀」嘅何傲兒唔聽電話,即刻流……眼水,大少話嘅。

《蘋果日報》圖片



鍾意就快D Share啦!
Related Posts Plugin for WordPress, Blogger...