[忽然1周 994] 李璨琛 黑仔吹水王 MW,

着紅衫沖喜嘅阿 Sam先同格仔恤男人吹水，之後格仔男離開，阿 Sam繼續同黑超男吹。吹水王之名走唔甩鳥。

媽咪姐

李璨琛　黑仔吹水王

郭美美事件喺大陸搞到滿城風雨，最估唔到連我哋香港代表阿 Sam李璨琛都「瀨」嘢！事緣郭美美早前喺微博 upload咗幾張同阿 Sam嘅合照，令阿 Sam惹上私交之嫌！

之後阿 Sam即刻連 post幾個微博澄清，話只係咁啱喺 function見到郭美美，人哋主動撩佢合照啫。咁啱媽咪姐日前就喺跑馬地見到阿 Sam喺銀行門口同啲 friend吹水吹到雞啄唔斷。雖然今次呢單嘢，佢完全係躺着也中槍！不過睇佢吹水吹得咁開心，應該清晒啲負能量喇！

事緣喺 6月時，郭美美（粉紅雨衣）喺微博 upload呢兩張合照，仲讚李璨琛表情豐富，搞到又有新聞！

鍾意就快D Share啦！

下一篇 》