全城熱爆的娛樂八封新聞 & 時事趣聞 & 生活 + 趣聞
阿燦出山演嘅音樂劇，仲有張武孝（左一）、梁珊（左二）、朱紫嬈（右二）同魯芬 BB（右一）。一睇就知真係靠晒燦哥嘞！
57歲嘅阿燦廖偉雄上星期五（ 8日）返咗嚟香港出席音樂劇《那年五月》嘅記招。阿燦近十年都喺內地搞有機農場，今次復出梗係有吸引力。媽咪姐現場見到阿燦依然搞 gag，一時話會喺音樂劇內唱歌，一時又話出年會搞《笑聲救地救》 25周年「演笑會」。但鏡頭後嘅阿燦就……完全係強國土豪款，即係乜？煙癮大囉！嗱！記招後佢坐的士去金鐘，上車前先隊一支；十分鐘唔夠嘅車程，落車即時又再隊一支。做完嘢坐的士去火車站，一落車又整多支。唉！阿燦哥，吸煙危害健康呀，你冇收到咩？
記招之後 記招完咗，阿燦行出戶外上的士前，即刻先隊一支。
10分鐘後 之後坐的士去金鐘，只係十分鐘車程啫，落車即刻整多支。
火車站 之後去火車站，又係一落車先吸一支再上火車。
