全城熱爆的娛樂八封新聞 & 時事趣聞 & 生活 + 趣聞
星爺戴帽着風褸拉隊去睇樓，俾眼利嘅網民認出。
最近忙住準備開新戲《美人魚》嘅星爺（周星馳），成日要同錢國偉返內地開會，兼且要為新戲揀女。媽咪姐都知星爺係大忙人，去得內地就梗係善用所有時間。周一（ 11日），喺惠州小徑灣有個新樓盤發售，佢去開附近睇景，就順便去埋睇樓。聽講佢睇中 2期嘅複式單位，叫價唔使 5百萬。對佢嚟講散紙加上星爺前女友于文鳳出晒名有眼光，以前幫佢賺過唔少。一齊咁耐，星爺應該學到唔少嘢嘅！
喺香港有唔少物業嘅星爺，去到內地參觀樓盤，淨睇模型好似幾有興趣。
室內都要開遮，睇嚟星爺都幾怕光。
有份幫星爺開戲嘅錢國偉，陪埋佢去睇樓，唔知係睇景定想掃番幾個單位呢？
星爺新戲《美人魚》開咗個網，舉行角色甄選， 15日內吸引近萬五人 post相，啲參賽者乜款都有，嘩！
嚟自上海只有 27歲嘅譚岐，自稱身高 160、體重 42公斤，睇佢 casting張相，似面試龍婆多啲。
只有 19歲由四川嚟嘅微微，個樣膠到似 Mary。地球好危險，都係返火星啦。
