掃呢頁CODE去手機

2014年8月15日 星期五

[忽然1周 994] 志偉整餅加料 志偉,曾志偉,MW,




小朋友戴晒手套準備,志偉就徒手搓月餅,睇嚟佢唔多注重衞生!

媽咪姐

志偉整餅加料

媽咪姐呢排睇親新聞,疑似出現「伊波拉病毒」,同當年「沙士」一樣恐怖。不過咁,你有你驚,曾志偉呢?同佢講衞生睬你都傻。

呢日佢出席代言嘅月餅活動,台前睇佢同班小朋友搓餅皮整月餅,玩得不知幾開心。但係睇清楚啲,搓搓下佢似係鼻敏感發作,忽然「乞嗤、乞嗤」打唔停。助手好心拎紙巾俾佢抹鼻水之外,大會工作人員都好醒,開定手套等佢用。不過呢,志偉睇嚟用唔慣手套,眼尾瞄咗一下扮睇唔到,就咁行番埋位繼續下半場搓餅皮。好彩啲餅冇諗住食,唔係俾佢咁加料,真係多謝晒!

搓搓下個鼻有啲痕,呢下乞嗤,搞到唔少人望住志偉。

志偉助手好醒,即刻俾紙巾佢處理,不過唔係濕紙巾囉!

工作人員見到咁,打開埋手套俾志偉,但係佢望咗一眼,捽一捽個鼻冇理。埋位再整餅。



鍾意就快D Share啦!