掃呢頁CODE去手機

2014年8月21日 星期四

[壹週刊 1276] 張玉珊出招 阿銀莊思明撞樣 阿銀,莊思明,張玉珊,沒女,M1,




探熱針

張玉珊出招 阿銀莊思明撞樣

在《沒女》誓師大會上,歇斯底里流住兩行鼻涕咆哮:「我有一個夢想,就係唔再俾人歧視!」令廣東話未講得正的新移民阿銀(黃杏銀),比沒女極品 Meggie更早跑出,甚至得張玉珊睇中,搵阿銀改頭換面拍廣告。

有高人背後發功,蛻變後的阿銀,居然同富貴港姐莊思明撞樣,她更衝出深水埗,殺落中環做貴婦,連阿銀自己都忍唔住話:「我係咪發緊夢?」

視像學英文

靠自己雙手打拼,由新移民鄉姑變成兩間布行老闆娘的阿銀,將事業由不可能變成可能,曾為欣宜打造瘦身神話的張玉珊,同樣睇中阿銀的鬥心,出五位數字酬勞請她拍廣告,更免費幫阿銀改頭換面,形象大翻新。

食住《沒女》 timing,張玉珊在兩星期之內,將油頭爛面不修邊幅的深水埗阿銀,越級改造成中環貴婦。由「硬件裝置」做起,一星期減四磅、 botox隆鼻打尖塊面之類,對張玉珊全冇難度,反而要阿銀著四吋高踭鞋行貓步,跟廣告對手貝安琪講英文,才考起最美麗 CEO。

搵救兵!張玉珊安排專業 model教阿銀儀態及 catwalk,再搵教過成龍同李冰冰講英文的荷李活外語導師 Andy Kreiger,與阿銀上視像英語速成班。

有老闆張玉珊教儀態,形象指導 Ceclia裝身,阿銀拼埋對手貝安琪身邊,冇大比數拋離。

經張玉珊改造,阿銀唔單止變貴婦,仲似足有孖生家姐嘅莊思明(右圖)。

正版

扭籮落中環

人靠衣裝,加上有陳慧琳御用形象指導 Ceclia協助,上週阿銀埋位正式拍廣告,穿上套裝裙,頭戴英式貴族紗帽,一身貴婦 look扭 pat踩入中環,變身後,阿銀竟然同富貴港姐莊思明餅印一樣。比起沒女極品 Meggie,執靚後被指是陳志雲加余詠珊混合體,阿銀贏晒!

拍攝八粒鐘,貴婦銀要儀態萬千行樓梯,最終 NG十幾次導演才收貨,更高難度是要滿口鄉音的阿銀對住鏡頭講英文。兩句對白,「 Ankie, So good to see you.」、「 Thank you so much.」,對阿銀而言,慘過抬布,最終要現場視像補課兩粒鐘,可惜最後「 so much」兩個字發唔到音,唯有縮短齋講「 Thank you」了事。

能夠變樣成為莊思明拍廣告,阿銀好興奮:「好似發緊夢,冇諗過可以著到貴婦咁嚟中環拍廣告,亦冇諗過要學咁多嘢,好似學行,又要扭吓隻 pat pat,行行吓鞋都飛埋出嚟,為咗呢個廣告,我之前日日行八層樓梯返屋企當練習,先發現原來個 pat pat要翹少少先行得靚!」

變身中環麗人,面同鼻都打咗 botox嘅阿銀,需要張玉珊教路香檳杯係點樣揸。

為講好兩句英文,拍攝前阿銀仍然要跟教過李冰冰的荷李活外語導師視像補堂,《沒女》導師 Eva亦從旁協助。

當年結婚時嘅阿銀係似袁彩雲喎!

誓師大會時嘅阿銀,頭油多,外貌十足鄉姑。

當年張玉珊為近二百磅的欣宜創造瘦身神話,可惜欣宜唔爭氣暴食翻脹。

爆喊感恩

本週一(八月十八日),阿銀到修身堂睇廣告試片,見到「恩人」張玉珊,又忍唔住喊:「好開心張小姐俾我呢個機會,我冇諗過自己咁『烏 were』都可以拍廣告。我原本只係一個平凡深水埗師奶……原來女人係要扮靚,一星期瘦四磅,依家我有個尖下巴同高鼻。我以前好少出中環,原來深水埗同中環係咁近。」

忍唔住笑嘅張玉珊亦快速反應:「我都好少去深水埗。」醒目阿銀即刻收起淚水,打蛇隨棍上:「遲啲我第三間鋪頭開張,想邀請張小姐出席。」做老闆的阿銀,數口原來精過張玉珊。

成功將沒女鄉姑改造,張玉珊揀中阿銀,只因夠挑戰性。「第一次見佢雖然已經改造咗少少,但佢個頭都好𣲷,好好笑。而最難嘅挑戰就係要喺十日內解決佢毛孔粗大嘅問題。第二挑戰就係教佢行 catwalk,因為佢落樓梯就好似周星馳啲戲嘅女仔,行路拐下拐下。好在阿銀係好堅毅嘅女人,拍廣告幾辛苦都忍耐到。」

本週一( 18/8)阿銀一見張玉珊又攬又喊,感激對方令佢有番自信,似番個女人喎!

多謝完張玉珊,開布行嘅阿銀亦發揮佢嘅所長,幫對方搵窗簾布,阿銀拍心口話:「包喺我身上。」

參加《沒女》期間,阿銀同導師 Eva訪問五一遊行人士點睇中港矛盾,一度成節目爭議性一幕。

除咗阿銀,《沒女》撞樣亦有頭炮嘅 Meggie,網民一致認為佢係陳志雲同余詠珊混合體。

酬勞捐助兔唇童

家有個十八個月大的兔唇加斜視孻女,曾得兔唇協會幫助渡過難關的阿銀,決定將廣告酬勞,全數捐到協會,一蚊都唔落袋。

「我臨盆前心情崩潰,因為好驚面對,好在有協會義工開解我,我先學識堅強面對。好辛苦湊到個女四個月大做手術。依家佢雖然有疤痕,但其實一樣可愛。」



鍾意就快D Share啦!