2014年8月21日 星期四

[壹週刊 1276] Sammi將來不是許安 Sammi,許冠傑,Sam,鄭秀文,M1,




對已婚嘅對手例如劉華、張家輝, Sammi放心熱情,搭拖攬再加胸壓,有齊。

同你吟一吟

Sammi將來不是許安

無求呢兩個字,真係講吓好血肉之軀,總有所好;只在於唔同階段,要求有所不同。

做演員,去到某個位置,錢未必會係首先考慮,例如天后鄭秀文,為咗同未合作過嘅 Sam哥吳鎮宇拍檔,群戲為主嘅《衝上雲霄》,照接,仲有呢排力谷宣傳嘅新戲《失戀急讓》,導演係老友卓韻芝,一定要幫,加上對手係九料影帝張家輝,割喉價接又點話。

Sammi夠老友,遠到去屯門做宣傳都唔 say no,星期日(十七日)首映禮,名花有主嘅安嫂對人夫張家輝又搭膊又攬腰,仲俾對方公開獻吻,近距離接觸,近年罕見。

即係咁,○○年《瘦身男女》開始, Sammi多次提名「最佳女主角」,舊年《盲探》又唱好有機會,點知遇到強手《一代宗師》章子怡,影后擦身而過。四十二歲, Sammi可以一口拒做高齡產婦,做影后,冇理由拒絕。

舊年憑《激戰》再做影帝嘅張家輝話齋,而家冇,將來會有。將來,唔係下一秒,亦唔係許志安,隨時係《失戀急讓》。邊個話得埋!

Sammi主動,家輝亦慷慨回禮,首映禮上即場錫啖。

卓韻芝做導演, Sammi一口應承兼割價,咁嘅朋友,邊度搵。



鍾意就快D Share啦!
Related Posts Plugin for WordPress, Blogger...