全城熱爆的娛樂八封新聞 & 時事趣聞 & 生活 + 趣聞
上個禮拜三（八月十三日）， Kelly陳慧琳出席由「蘋果日報慈善基金」舉辦嘅「愛行善． Little Angel大召集」活動，提到佢細佬陳司翰，懷疑虐打女友莊思明， Kelly雖然唔想加把嘴，都要被迫回應：「我細佬三十幾歲人，都要識得承擔責任，但我冇同佢聯絡。」
打女友，陳司翰早有前科，問 Kelly信唔信，佢答得好奇怪：「作為家姐，唔想去相信！」之後就話响家庭聚會見過莊思明，覺得佢又乖又高又靚女。男人打女人，講到底，點都係唔啱，又好難怪 Kelly，唔肯開口撐自己細佬！
著高踭鞋晒長腿，小妹妹上前獻花， Kelly𠌥低身差啲走光。
早在 03年，陳司翰被踢爆虐打台灣模特兒前女友 Jacqueline，之後同莊思明拍拖，又傳虐打，有指兩個因為呢件事，第二度分手。
