探熱針
告一段落 甩林欣彤 羅孝勇 36E嫩模水戰
羅孝勇跟林欣彤分手後，各有各發展。近期羅孝勇忙於谷四十二吋巨胸，變身肌男 sell新碟，但同時，還要唧出寶貴時間，陪 36E嫩模新歡。
本刊發現，羅孝勇跟身材火辣的新歡在私人會所泳池連場水戰，效果噴血！
賣肌谷碟
在無綫苦候四年，羅孝勇最近終於與 Neway簽下賣身契，正式成為歌手，更狂操打造四十二吋巨胸，賣肌谷新碟。周身唔得閒，但依然抽到時間，攝期冧女。
日前，羅孝勇和嫩模新歡 Jamie Ha現身一個位於豪宅內的私人會所泳池，雖然現場泳客不多，但羅孝勇仍做足戒備，先在泳池邊巡了一圈，之後搵了個隱蔽位置坐低。
沒打算即時落水的羅孝勇，攞出防曬油噴勻全身後再隨手扔給女友，表現默契。過了不久，羅孝勇的親友帶住兩個小女孩落到泳池，他即時與女友分工合作，與兩個細路女在泳池開戰，見女友被狂攻，羅孝勇擋在前面做人肉屏風，呵住女友。
買餸煮飯仔
據了解，羅孝勇和新歡在今年初撻着，女友已經入晒屋見家長，發展穩定。
「之前俾人影過佢哋喺中環 ifc行 city'super買餸玩煮飯仔，當時 Sheldon（羅孝勇）話個女仔係甜品師傅同顧問，教佢整 cup cake。其實佢叫 Jamie Ha，係個 model，拍過唔少廣告。」知情者說。
前度林欣彤上月生日，雖然羅孝勇為免再傳緋聞，並沒到賀；事後林欣彤仍為他補飛。「近排大家都忙少聯絡！」林欣彤錫住他，全因羅孝勇陪她走過患抑鬱症的人生低潮，有情有義，所以至今仍然關係友好。
|
鍾意就快D Share啦！
|
|
|
