2014年8月21日 星期四

[壹週刊 1276] 林德信 shopping洩憤 林德信,M1,




平日笑容滿面嘅林德信,當日無論等的士,抑或數銀紙,個樣嬲到想殺人,更全程用口咬住條 headphone線。

同你吟一吟

林德信 shopping洩憤

內地真人騷《爸爸去哪兒》熱爆,添食開拍第二輯,連平日避忌講家事嘅吳鎮宇,都帶埋囝囝 Feynman亮相。父子檔上陣節目,原來仲有另一個叫《我不是明星》。

邀請圈中明星二代上節目,用實力證明自己唔係靠父蔭响圈中搵食,老豆係林子祥嘅林德信都有份參加,為咗令自己加分,佢叫埋林子祥同葉蒨文上台打氣,另外仲有 uncle譚詠麟、鄭少秋以及 auntie趙雅芝,相當大陣仗。

星級打氣團助陣,但林德信最終只係攞第三名,知名度更遠輸比遲佢一季參加嘅秦沛仔女姜文杰以及姜麗文。早兩日《壹》仔見到林德信,個樣嬲爆爆去咗數碼港,行唔夠一陣,就買咗個 Lenco黑膠碟唱盤,之後再做遞手黨,坐的士返屋企。使錢令人快樂,女人同男人都一樣。

坐的士返到屋企落下,攞住新買嘅黑膠碟唱盤,急急返上樓研究新玩具。

參加內地真人騷《我不是明星》,林德信唔單只叫老豆林子祥亮相打氣,仲同後母葉蒨文台上合唱《選擇》,評判即刻加晒分。

自己知名度唔夠,林德信叫埋 uncle鄭少秋同 auntie趙雅芝幫手,不過內地傳媒只係重點寫《楚留香》兩位主角楚留香跟蓉蓉難得同台,冇點提起林德信囉!



鍾意就快D Share啦!
Related Posts Plugin for WordPress, Blogger...