[壹週刊 1276] 劉子千自備電燈膽 M1,

甄珍同朋友講唔停，劉子千（左）就掛住同朋友研究手機，成餐飯，當 auntie個女透明。

同你吟一吟

劉子千自備電燈膽

從傳出劉家昌因為爛賭爛滾，搞到同甄珍離婚，雖然當事人到而家都冇回應過，但兩公婆已經好耐冇亮相公開場合，甄珍出街同朋友 high tea，身邊只得囝囝劉子千。

上個禮拜一（八月十一日），佢兩母子約朋友去 Cafe Landmark飲茶，同枱嘅 auntie仲帶埋囡囡一齊現身。呢個格局，好有相睇味道，可能劉子千知道媽咪出蠱惑，所以叫多個男仔朋友出嚟做電燈膽。

兩個麻甩仔，全餐飯望住部手機講唔停， auntie個女又冇機會插嘴，搞到好無癮。老豆出名風流，但個仔 28歲，仲係日日黐住阿媽做裙腳仔，如果兩父子「戥」番勻，甄珍就唔使咁頭痛

Auntie個女經常望實劉子千，可惜只係神女有心，千千無夢。

雖然同太太關係出問題，但身為老豆嘅劉家昌，因為同四洲集團老闆老友，於是安排個仔首歌，做咖啡廣告主題曲。

鍾意就快D Share啦！

下一篇 》