掃呢頁CODE去手機

2014年8月4日 星期一

林峯宣佈已離開無綫:宣傳都輕鬆啲﹗ 林峯,




【大台再失小生】林峯宣佈已離開無綫:宣傳都輕鬆啲﹗

2014-08-04 18:45:00



林峯表示已離開無綫,仲話宣傳上會輕鬆啲,覺得好新鮮咁話﹗(攝影:黃曉妍)

又一小生離開無綫,真係大台無用武之地喇。

一直盛傳林峯會自組公司往外闖發展,萌生離巢念頭,今日林峯喺觀塘apm出席劇集《衛子夫》宣傳時,終於開腔證實同無綫已經完哂約,唔怪得說話都大膽啲又幽默啲。

話說今日林峯同蜜運中情侶周麗淇和徐正曦一齊出來宣傳,風頭當然會落在一對情侶身上啦,今次風頭被搶鏡,但林峰竟然好鬼馬話:「冇咩所謂啦,0依家自由身完左約,宣傳上都會輕鬆啲,覺得好新鮮,可以做平時唔會接受嘅傳媒訪問(應指nowTV),同埋可以講廣東話添。」

換轉以前林峯係大台藝員嘅身份,邊敢講呢番說話呢?獲得自由之後又幾老實喎。

去意已決的林峯不在乎喺大台身份同地位,但就話:「老實講,都合作咗咁多年,絕對有機會再合作,但自己想停一停。」

至於係咪傳聞所講開工作室呢?林峯就否認,又話自己唔係呢方面材料。有傳女友吳千語曾拉攏林峯過檔黃百鳴公司,林峯決絕話:「呢啲係自己嘢,佢唔會左右我,同埋我地之間唔會傾公事。但同黃百鳴有機會合作,之前合作得好開心」

今日站在周麗淇和徐正曦做中間人,林峯擺明做咗二人擋箭牌,當大家要求3人合照時,林峯就話女仔要企中間,冇耐仲好通氣咁閃開啲,由得二人合照。

之前有傳周麗淇同林峯爭唱劇集主題曲,結果周麗淇輸咗,只可以同任賢齊唱插曲,林峯唱主題曲。

對此周麗淇笑笑口話:「係呀,爭輸左啦好明顯,小齊呵番我一齊唱。」同男友唱咪幾新鮮,周麗淇好抗拒話:「佢唔係歌手,唔好搞到咁複雜。」雖然傳出同林峯為爭唱主題曲不和,但周麗淇就冇咁好氣,仲講笑話:「我爭輸咗,我認輸,不過我贏咗,因為我可以同小齊合唱。」



周麗淇及林峯今日為劇集《衛子夫》宣傳。



林峯否認開工作室。





鍾意就快D Share啦!