2014年8月4日星期一

郭美美唔止一次性交易契爺爆包養價每次5萬 BKD_S,

【郭美美瀨嘢】唔止一次性交易契爺爆包養價每次5萬

2014-08-04 13:26:00

郭美美契爺王先生都忍唔住要爆料，話美美同佢交往，就是貪佢嘅錢。(微博圖片)

郭美美，呢一個名大家一定唔會陌生，一講到佢就一定會諗起呢個90後女仔，一日到黑喺網上晒佢幾咁有錢，其實一個90後女仔，點解會咁有錢呢？有人就質疑佢係賣淫、畀人包，所以咁有錢，不過郭美美當時就發誓話冇賣淫，仲話如果有賣淫，就「死全家」云云。

近日郭美美就被北京公安拉咗，話佢涉非法賭波，目前喺北京市一處看守所內被刑事拘留，之後就越爆越多，噚日新華社終於都有「正確說法」，指郭美美開設賭局抽水及以「商演」為名進行性交易。

郭美美一向都有一個契爺，姓王嘅。其實大家都知呢位「王先生」係邊位0架喇。「王先生」見到郭美美出事，都忍唔住要爆料，內地新華社就引述王先生話：「是通過一個朋友，聊天的時候，我說有沒有女孩子可以介紹給我認識，後來他就把郭美美介紹給我。認識之後，她就從北京過來，我就給她開了一個房間，然後第二天就跟她發生關係了，發生完關係她提出來要買東西，後來我就給她3萬塊錢。」

根據內地傳媒引述，自從嗰次之後，郭美美每次想要錢喇，就會從北京飛到深圳搵呢個契爺，每次契爺都會俾5萬蚊俾郭美美；就連之前郭美美晒嘅240萬跑車，都係契爺送。

契爺話：「要我給她買車，說生日給她買部車，後來我就給她匯了一個50萬，一個是190萬。」仲話郭美美同佢交往，就是貪佢嘅錢。時光倒流返去當日郭美美被問到同契爺有冇性交易時，佢就發毒誓話：「我這輩子如果做過這樣的事我死全家。」

家陣連新華社官方講法都有喇，咁即係大家都知郭美美當日一番話真偽啦。不過講起全家，郭美美一家來頭都真係唔惹少，據資料顯示，郭爸爸有詐騙前科，媽媽就長期經營桑拿、茶藝等「休閒服務」，大姨媽就因涉嫌收留他人賣淫被公安機關刑事拘留，舅父就因為販毒被判刑。呢個家族果然「厲害」。