2014年8月4日星期一

痛失視帝馬明都O嘴林峯心淡走人馬明,林峯,馬國明,

【幼稚完】痛失視帝馬明都O嘴林峯心淡走人

2014-08-04 21:17:00

林峯《雷霆掃毒》痛失視帝，就連馬明都O晒嘴。

現年34歲林峯由1999年加入無綫後，入行之作夥拍楊千嬅合作《美味情緣》，之後同古天樂合作《尋秦記》，當時皮膚黝黑嘅造型令人留下印象，2003年憑《律政新人王》中飾演善良律師一角，喺萬千星輝頒獎典禮中奪得《飛躍進步男藝員》獎項，亦都係林峯第一次喺演藝事業上得獎。

其後林峯斷接拍無綫大製作劇同合拍劇，包括《歲月風雲》、《天涯俠醫》、《覆雨翻雲》、《摘星之旅》、《溏心風暴》、《溏心風暴之家好月圓》等，而林峯亦是無綫藝人中在內地較高價一班，所以有名氣後，每年都被公司安排到內地拍劇賺錢，喺香港產量下滑。

林峯唱歌攞獎可能大家都有啲異議，但講到拍劇，其實林峯嘅進步亦係有目共睹。08年《溏心風暴之家好月圓》中飾演管家仔一角正值演藝事業之峰，當年佢同夏雨叮噹碼頭爭視帝，但呼聲無論再高，視帝始終落喺前輩夏雨手上，林峯只獲得「我最喜愛的電視男角色」獎項。

2012年，林峯主演《霆雷掃毒》Happy Sir角色，第六度入圍五強爭視帝，機會就在眼前，加上全民投選關係，曾盛傳當年林？對獎項看在眼裡，殊不知再次落敗，輸俾《大太監》嘅黎耀祥，又係輸個馬鼻，獲得「我最喜愛的電視男角色」獎項，係喇，就係當年馬國明O晒嘴嗰屆呢！咪就係嗰年囉！

失落視帝後一直有傳林峯有意外闖，加上女友吳千語亦以拍電影為主，曾經有消息話千語bb拉攏林峯到黃百鳴旗下一家親，亦有指林峯肥水不流別人田，計劃自組公司。

其實早於2010年時，無綫都將林峯推至高峰用到盡，拍劇、唱歌之餘，又開始安排林峯拍電影闖影壇，開發多一條搵錢渠道，頭炮已經搵咗楊千嬅合作，希望扶植林峯，之後又緊接同蔡卓妍（阿Sa）合作，連師姐容祖兒都獻身客串。