2014年8月4日星期一

錢嘉樂晒單眼皮小公主 cute到震錢嘉樂,

【邊個話唔靚！】錢嘉樂晒單眼皮小公主 cute到震

2014-08-04 11:09:00

樂樂盈盈同埋佢哋嘅小公主——Alyssa噚日一齊開生日P，為樂樂預祝48歲牛一。(互聯網圖片)

每個小朋友都係父母心肝寶貝，鐵漢錢嘉樂個心肝命椗，除咗湯盈盈，仲有呢位可愛小靈精——16個月大嘅女兒Alyssa(錢凱晴)。早前有報道話Alyssa俾網民笑佢醜樣，激到盈盈傷心痛哭，不過日前兩公婆齊齊出席活動時，已否認傳聞，嘉樂仔亦話：「靚唔靚各人有唔同審美眼光，個女似我就一定靚，我個女一定係健康快樂小朋友，已經好足夠。」

8月6號，即係後日，就係嘉樂仔叔叔48歲牛一，噚日佢就同班朋友及fans一齊開咗個別開生面嘅生日P，嘉樂仔一身黑衣，胸前印住「無敵」黑長褸室內仲戴超，裡面著住件型到震嘅「錢家班」黑tee，爆型咁型；盈盈嘅dress code都係長褸一度，不過就係紫色，兩公婆真係襯到絕。

是日主角明明應該係嘉樂仔，但結果就俾Alyssa搶晒鏡。著住件公仔衫夾咗個髮夾仔，唔著猿人，即刻女仔番晒，仲同爸爸錫錫，節瓜手同米芝蓮圓碌碌小腿令人好想咬一啖。爸爸媽媽喺度揭書書睇，Alyssa又八卦豬咁睇埋一份，其中一張相見佢雙手緊握一個迷你車軚笑不攏嘴，唔通大個咗又係一個飄移甩尾高手？