2014年9月5日 星期五

[忽然1周 997] 揀樓近 Sammi父母 安仔 3千萬掃大坑豪宅 Sammi,許志安,安仔,許冠傑,Sam,鄭秀文,MW,




俯瞰海景

當日安仔先睇 A座一單位,但唔啱心水。之後他再睇 B座單位達半小時,其間更行出大露台睇風景。

滾熱辣

揀樓近 Sammi父母 安仔 3千萬掃大坑豪宅

Sammi鄭秀文與許志安在情路上兜轉 22年,去年底在印尼峇里秘密完婚。婚後二人極之低調,從未承認已經註冊結婚,惟 6月許志安七哥過世, Sammi以「弟婦」身份出席,無名指上戴上婚戒,安嫂身份不言而喻。

當日安仔向 Sammi父親提親時,除奉上 100萬禮金外,還承諾日後置愛巢,必會在老婆娘家大坑大寶閣附近,好讓 Sammi方便回家照顧兩老。安仔果然有口齒,日前趁老婆忙於準備個唱,一支公到大坑栢園睇樓。據知他已看中一個市值 3千萬的千五呎單位,給 Sammi一個驚喜。







近年轉戰影壇的 Sammi鄭秀文,即將在紅館舉行闊別 5年的 2014年跨年演唱會,門票極為搶手,就算加開兩場,開賣後火速售罄,一票難求。事業得意的 Sammi,愛情更得意,皆因有個好老公許志安。

今年六月,許志安七哥許志豪因鼻咽癌去世,於香港鑽石山殯儀館設靈,靈堂上當眼位置放有許志安與鄭秀文送的花牌,下款寫着「胞弟志安 弟婦秀文」。喪禮上 Sammi身穿黑服、左胸扣上黑布,無名指上更戴上婚戒,加上之前安仔好友師兄劉浩龍大爆「他們已經結婚了」的言論,令他們成婚的消息得以證實。

照顧中風父

Sammi父親 01年中風,此後不良於行。不過安仔呢個女婿好孝順,不時駕車載外父去食晚飯,依家仲打算買樓住近 Sammi娘家,抵讚!《蘋果日報》圖片

《蘋果日報》圖片

轉會吸水力強

安仔今年重投 Paco懷抱,簽約太陽娛樂文化,除下月推出大碟外,仲會力攻國內市場與拍電影。

家姐陪睇樓

最近, Sammi忙於籌備年底的個唱,老公安仔更見清閒,日前本刊便獨家拍到安仔去睇樓。當日安仔與友人在跑馬地茶餐廳醫肚後,即駕車到地產舖向經紀查詢,及後他在胞姊陪同下到位於大坑的栢園睇樓。據知安仔當日看過兩個單位,第一個是低層單位,他入屋不夠兩分鐘便離開,之後去到另一高層單位,安仔非常感興趣,更走出露台四周俯瞰,睇足超過半小時才離開。

栢園位處大坑半山,背山面海遠眺維多利亞港,一梯四伙,每伙逾千呎,據知安仔睇中的單位市值近三千萬港元。據地產界人士透露,「安仔呢排忙緊搵樓,佢密密睇大坑嗰頭啲單位,佢話想搵啲大約千幾二千呎嘅單位,啱晒兩個人住吖嘛!安仔想有啲私隱,所以專揀啲高層望海嘅單位,要附近冇位可以偷拍到佢間屋,栢園嗰個高層單位就啱晒佢。佢真係好體貼,因為 Sammi有哮喘,所以單位空氣一定要夠流通。佢話半山空氣好啲,啱晒鍾意跑步嘅 Sammi!」

心情靚去睇樓

上月中,許志安與友人在跑馬地茶餐廳醫肚後,即駕車到附近的地產舖。這日安仔心情好靚,四萬咁口。

家姐繑到實

去到大坑栢園門口,安仔與家姐會合後一齊行入屋苑,其時一男一女的地產經紀就辦理訪客登記手續。男經紀更手持售樓書力 sell。

發現記者

睇樓超過半小時,安仔與家姐才離開。見本刊記者在場,安仔即掩面急急腳上車。

極速開車

據知安仔是次睇樓是秘密進行,想給老婆 Sammi一個驚喜,點知被記者撞破好事。難怪安仔如此避忌,上車後即踩油離開。

高價買樓兌現承諾

其實安仔與 Sammi現居港島半山干德道殷豪閣,與大寶閣相差廿分鐘車程,是四年前安仔以 2千多萬買入,現已升值過千萬。一向有投資物業的他精打細算,以往都是低買高賣。今次他打算在樓市高位置業,只為兌現一個承諾。據知情者透露,「上年安仔同 Sammi結婚嗰陣,同外父外母傾好咗,禮金方面象徵式收 100萬就夠。不過 Sammi爹哋好想個女婚後可以同娘家住近啲,因為佢 01年中風之後,行動唔係好方便,好想見個女多啲。安仔當時一口應承,話會喺 Sammi娘家附近買番層樓與老婆一齊住。不過安仔上年忙完結婚,今年年初又轉咗會簽俾 Paco,好唔得閒,所以就 hold住咗呢個計劃。前排安仔感情最好嘅七哥過身,佢意識到 Sammi父母都有番咁上下年紀,要珍惜同親人相處嘅機會,所以咪盡快睇樓囉。難得個單位啱心水,又近 Sammi父母住緊嘅大寶閣,錢當然唔係問題」

Fing手狂奔

日前本刊影到 Sammi在半山寶雲道揸住支果汁跑步,身穿大大個 M字 T恤的 Sammi,再加上她特有的 fing手跑姿,記者離遠就認得。

粗腰龍躉

平時見 Sammi咁瘦削,但當日從背面看,原來她周身肉,豪華臀現晒形。仲有三個月就開個唱,真係要加操喇!

安嫂奔喪

今年 6月,安仔七哥設靈, Sammi以弟婦身份出席,證實二人已註冊成婚。

製造驚喜冧老婆

對於買新愛巢一事,本刊記者 8月 25日於電台活動中曾向安仔求證,但安仔一聽到買樓,即驚青迴避拒絕回應。及後安仔友人透露,「其實安仔見 Sammi最近開 concert,又拍戲咁辛苦,想俾個 surprise佢,所以睇樓一事收得好密,佢梗係唔回應」而本刊日前亦曾向 Sammi提問,她只透過助手回應不了解事件,拒絕回應,看來 Sammi的確是不知情。

安仔與 Sammi雖然已老夫老妻,但有個識得製造驚喜的好老公,真係好難得。可惜今次睇樓行動被本刊踢爆了,只可以講句,安仔唔好意思呀!

歌影兩忙

Sammi最近忙到七彩,既要為 12月的跨年個唱積極操練,又要飛英國倫敦拍電影《衝上雲霄》,忙完呢半年先有得休息。

離娘家只 8分鐘路程

安仔睇中的栢園位於大坑徑 6號,這幢坐落於半山的豪宅雖然已 42年樓齡,但大廈早年已進行大維修。單位賣點是實用面積超過八成半, 3房 2廳 1套房 2廁 1工人房,間隔非常實用。不過對安仔同 Sammi嚟講,屋苑最大優點是離 Sammi父母所住的大寶閣只有 8分鐘路程,揸車分分鐘唔使兩分鐘, Sammi跑過去都應該只花 4分鐘。

許氏伉儷手揸 3億物業

Sammi與安仔早已是天王天后級,收入當然豐厚,而二人多年來都有作物業投資。安仔現時持有兩個千呎豪宅,市價超過半億,但比起老婆 Sammi手揸的 2.5億物業,真係拍馬都追唔上。不過既然結咗婚,兩公婆冇計



鍾意就快D Share啦!
Related Posts Plugin for WordPress, Blogger...