2014年9月18日 星期四

[壹週刊 1280] 有軒仔小斌女有排歎 小斌女,張敬軒,軒仔,關智斌,M1,




身光頸靚,出入有保母車司機接送,小斌女生活,某程度同阿太冇分別。

同你吟一吟

有軒仔小斌女有排歎

早排張敬軒接受內地網站訪問,講到成家對象問題時,軒仔話:「喺一段關係中,如果兩人長期一起生活的話,要由始至終當對方係好朋友……」

同關智斌嘅斷背緋聞,已經有七年時間,呢段關係,絕對唔短,軒仔以「好好好朋友」形容同小斌女嘅關係,同林峯七個「好愛」千語 BB異曲同工。

早個禮拜,《壹》仔喺中環 ifc見到軒仔個「好好好朋友」,一個人,急急腳走咗入間 cafe快食半粒鐘,跟住又急急腳行去上車。近年主力返內地拍劇,偶然同張致恒重組 Boy'z唱吓騷嘅小斌女,身光頸靚,出入有保母車司機侍候,比起大台姐仔哥仔,富泰得多!

張敬軒嘅「對象論」中,包括要同另一半有共同視野!明晒!所以佢棄環球投奔英皇囉!另外軒仔亦提到生活上要負擔對方,呢一點,照睇小斌女嘅狀況,軒仔絕對係講得出,做得到嗰隻。

四點幾仲未食晏嘅小斌女,坐低前先揭 menu睇吓啱唔啱食。



鍾意就快D Share啦!
Related Posts Plugin for WordPress, Blogger...