掃呢頁CODE去手機

2014年9月18日 星期四

[壹週刊 1280] 生人勿近 大台出手 周子揚禁黐陳凱琳 周子揚,陳凱琳,凱琳,M1,




探熱針

生人勿近 大台出手 周子揚禁黐陳凱琳

現年三十歲的西貢地王太子周子揚與何傲兒耍完一輪花槍後,最終不敵七十六歲阿伯林建名,出局!一雞死一雞鳴,有份拍新劇《四個女仔三個 Bar》的他,決定越級挑戰,對去屆港姐冠軍陳凱琳,痰上頸。

不過屋企有地唔係大晒,被大台視為可造之材、被嚴密保護的陳凱琳即時收到高層「溫馨提示」,盡可能遠離愛放料的周子揚,以免唔食羊肉一身羶,搞到 cheap晒!至於周子揚,亦被「提點」要他搵食行遠啲,勿近陳凱琳!

主動撩傾偈

周子揚和何傲兒一段快閃戀,連環斷正,男方被指放料,以緋聞換人氣。小花重投老樹蔭,被撇周子揚不癢不痛,立即轉向,瞄準在新劇《四個女仔三個 Bar》中,只有極少對手戲的廿三歲富貴民選港姐陳凱琳。

「周子揚喺劇中係同劉佩玥(港姐季軍)一對,同阿 Grace(陳凱琳)碰頭嘅場口唔多,但只要一有機會,佢就黐埋去同人哋傾偈。 Grace唔知道對方有企圖,大家又一齊開工,所以初時同佢都幾好傾,後來公司叫阿 Grace唔好俾佢埋身,免得搞 cheap晒自己。周子揚都收到『傳話』,叫佢專心工作唔好搞咁多事。而家就算同場,阿 Grace寧願黐住張繼聰,周子揚就自己行埋一邊坐,唔敢再搞公司個金笸籮。」劇組工作人員說。

雖然周子揚被何傲兒飛,但仍不愁寂寞,拍新劇《四個女仔三個 Bar》時,睇中去年港姐冠軍陳凱琳。

溫家偉因為追求陳凱琳,所以被調離飲食節目,無綫睇得陳凱琳好緊。

周子揚跟何傲兒拍拖期間,經常被傳媒斷正,周子揚被指放料宣傳。

嚴防奀星埋身

大台缺人,鎖定陳凱琳力捧,做主持、拍劇外,更打算谷她做歌手。

「 Grace未卸任已經接咗三套劇,喺《商戰》同視帝黎耀祥做對手,喺《四個女仔三個 Bar》同《張保仔》都擔正,公司仲幫佢傾緊歌星約,梗係唔想佢俾啲煲水戀聞影響,尤其係惹埋啲奀星!之前佢同大隻仔溫家偉合作主持飲食節目,大隻仔追佢,都即刻被人踢出局,公司睇得阿 Grace好緊。」一名無綫人說。

都未正式落手,周子揚已經被公司攔腰截停。事後他在微博扮無辜,聲稱要用平常心去面對不同經歷。至於被打主意的陳凱琳,對於西貢地王太子有非分之想,亦劃清界線。「都冇話避唔避嘅,好少同佢同場;劇中佢成日呃劉佩玥,所以我個角色唔鍾意佢。」

剛拍完《四個女仔三個 Bar》,陳凱琳便擔正新劇《張保仔》,飾演穿越時空的女警。

陳凱琳被稱為民選港姐,非常有觀眾緣,難怪受大台力捧。

自被無綫溫馨提示後,陳凱琳變得避忌,周子揚不在場,才跟《四個女仔三個 Bar》劇組大合照。

周子揚在微博暗示自己無奈,自言是非令他成長。

做小花有代價

去屆港姐冠亞季陳凱琳、蔡思貝和劉佩玥身邊有唔少飛來蜢,但公司講明要專心工作才有上位機會,總之拍拖見光死。

蔡思貝

三位港姐中,以亞軍蔡思貝最多緋聞,有崔建邦力追外,又傳與舞蹈總監麥秋成在將軍澳有愛巢同居,之後又被指與鄭俊弘撻着,在對方的處男騷上親自送花。拍新劇《衝線》時,又傳與沈震軒、羅仲謙特別有火花,唔似得拍其他戲份,狂 NG。

劉佩玥

本身有個拍拖超過四年的空少男友,但為免公司詐型,拍拖出街都要前後腳行,甚至剷走 fb上和男友合照。



鍾意就快D Share啦!