2014年9月18日 星期四

[壹週刊 1280] 復出落場 阿姐唔放心 搵人𥄫住羅家英 阿姐,羅家英,汪明荃,M1,




踢到身水身汗,羅家英除去上衫坐在球場的長櫈休息,助手立即坐近身旁。

探熱針

復出落場 阿姐唔放心 搵人𥄫住羅家英

○四年確診第三期肝癌的羅家英,今年二月肝臟再發現有個 2cm腫瘤,要入院切除五分一個肝;僥倖沒有擴散,經過半年時間調理,身體逐漸復元,但要定期 check住肝臟的癌細胞指數,以防萬一。

健康緊要,自此羅家英節制飲食,勤做運動,月前已復出落場踢波,不過老婆唔放心,為免有冬瓜豆腐,阿姐請了個男助手貼身跟實。唔可以獨來獨往,但與汪明荃結婚五年的羅家英,保持和老婆財政獨立,女人錢,唔插手。

留意癌指數

夫妻相處,一凹一凸,俾阿姐拖住,羅家英照受。

今年六十八歲的羅家英,○四年患上第三期肝癌,成功戰勝病魔後,一直小心管理健康,保持心境開朗。萬料不到,今年二月,肝臟再發現有個 2cm腫瘤。

「知道個肝再有腫瘤,家英哥當時情緒好差,個瘤仲要掂住條血管,所以佢好擔心,好彩手術好成功,啲癌細胞無擴散,但始終切咗五分一個肝,身體元氣大傷。」羅家英友人說。

接受切除肝腫瘤手術後,羅家英每個星期都要覆診, check住癌細胞指數。

事隔半年,羅家英說:「依家三個月一次!」

老公再次抗癌,硬淨的阿姐,不宣之於口,毫無異樣。

「阿姐性格剛強,佢仲影響埋家英哥要面對現實,唔好放棄!家英哥 down咗幾日,好快就重新振作,做手術前仲專登去咗日本玩,放鬆心情。因為手術後嘅飲食要好小心,阿姐叫工人每餐都另外煮開啲餸菜俾佢,家英哥而家要完全戒油,食得好清。」

人肉天眼

開刀切除腫瘤後,羅家英不用接受電療化療,亦沒有看中醫,只堅持健康生活。

「有唔少人介紹中醫俾家英哥,但佢唔想又中又西,加上有之前(○四年)嘅經驗,知道休息先係最緊要,所以佢一攰就會去瞓,除咗爭取休息,仲要做運動,佢見自己好番啲,早個月復出同明星足球隊踢波,每星期都參加練習,返內地都照去。」

阿姐工作多,剛剛拍完新劇《華麗轉身》,還要主持節目《女皇的盛宴》,就算世界盃期間,羅家英到巴西睇比賽,她雖然未有同行,卻請了個男助手,貼身照顧老公,做她的人肉天眼。

「家英哥習慣獨來獨往,去到邊都無助手跟身,除非返內地拍劇,先會喺當地搵臨時助手;今年二月做完手術後,阿姐就幫佢請咗個助手,等家英哥多個人喺身邊,有啲乜嘢都有人即刻幫到。」

羅家英自己揸車走,助手買定寶礦力給他補充水分。

回歸明星足球隊,羅家英落場追波,體力不錯。

踢完波,阿倫同羅家英冇急住去換衫,吹多陣。

中氣十足

上週三,羅家英如常到九龍灣和明星足球隊練波,家英哥落場期間,男助手坐在球場的長櫈,一舉一動跟足眼,見他走到成身汗,又第一時間遞水。

堅持靠運動休息,覆診已由每月四次減到三個月一次的羅家英表示,飲食亦較前多番選擇。

「手術初期係戒得清啲,依家就檢點少少比起對上一次,今次反而冇戒得咁多!都食多咗嘢!最緊要保持心平氣和,唔好計較!」中氣十足的羅家英在電話中說他在馬場,夠鐘開跑,要收線!

可以落球場踢波,又可以去馬場跑馬仔,羅家英一切如常。

今年二月,羅家英入養和醫院切除五分一個肝,休息七日,由阿姐駕車接出院。

(《蘋果日報》圖片)

與方力申合作新劇《華麗轉身》,埋位三個月,最近才殺青。

七月羅家英跟友人去巴西睇世界盃,當時的狀態已很不錯。

財政獨立

同老公各有各搵各有各使的汪明荃,早年已有磚頭揸手,保守估計資產過億,相比羅家英,阿姐進取得多。

阿姐的彩濤別墅寓所,去年七月被爆竊,損失三百萬。

共過生死

現年 67歲的汪明荃和羅家英 87年合作粵劇擦出愛火,拍拖 20年,家英哥多次向阿姐求婚均失敗; 02年,阿姐發現有乳腺癌,家英哥表示會照顧她一世; 04年,羅家英患第三期肝癌,阿姐亦一直陪伴左右,彼此互相扶持度過生死邊緣。 09年,二人在美國拉斯維加斯註冊結婚,終成眷屬。

因為粵劇結緣的阿姐和家英哥,拍拖廿年,○九年秘密到賭城註冊結婚。



鍾意就快D Share啦!
Related Posts Plugin for WordPress, Blogger...