掃呢頁CODE去手機

2014年10月17日 星期五

[忽然1周 1003] 6吋巨瘤恐變癌 艾威老婆割子宮 艾威,MW,




周二( 14日),艾威接受記者訪問時提到太太生子宮瘤卻諱疾忌醫,感到十分痛心,他說:「我驚佢有危險。」

滾熱辣

6吋巨瘤恐變癌 艾威老婆割子宮

禍不單行!因為港視開台無期,曾一度諗過轉行做鞋匠的艾威,近日因太太子宮生巨瘤,憂心忡忡,沮喪不已。結婚已 13年,一直恨生小朋友的艾威,自從老婆患病後已心知生仔無望。當一班親友不明所以,見到他太太現巨肚,頻頻恭喜他將為人父時,艾威難掩椎心之痛,逐一解釋,「我太太唔係有咗,係有瘤!」認真諷刺!

艾威太太患的是子宮肌內瘤,有 16cm(差不多 6吋)大,醫生說必須盡快做手術,把整個子宮連同肌內瘤一併切除,否則隨時會變子宮癌。周二( 14日),艾威滿面愁容說:「依家定咗 18號做手術……再唔醫會變癌。」









今年 55歲的艾威,與圈外太太結婚 12年,生活幸福,兩年前兩人打算生 BB,齊齊做身體檢查,豈料發現太太子宮生了個 16cm巨瘤,令到腹部隆起。今年 8月,本刊拍得艾威兩公婆到銅鑼灣行街,當時艾威太太肚皮大得驚人,全程更用手袋遮肚。本刊收到消息後,相約艾威做訪問。周二( 14日),艾威一身黑衫造型見記者,換了髮型的他滿面愁容。

去年肚扁

圖片

去年艾威帶老婆出席活動,當時身穿黑色鬆身上衣的艾威老婆,腹部未見凸起。

今年脹起

今年 8月,記者撞到艾威兩公婆到銅鑼灣行街,當時艾威太太雖然着住鬆身衫,但肚皮明顯脹起,她更特登用手袋遮肚。

側身似有喜

側面睇艾威太太腹部嚴重凸起,令不少街坊以為她有喜,原來是子宮瘤,認真慘情。

嬲太太諱疾忌醫

其間,艾威連續飲了兩杯紅酒。他透露太太早年已患過女性病,「佢(指太太)直情係諱疾忌醫,其實好多年前都試過卵巢生瘤,但一直拖咗好耐至肯開刀切除,依家又輪到子宮有事。次次我都叫佢做手術,佢都話:『得㗎啦,我會』但之後又冇咗件事,屋企人同親戚朋友全部同佢講過晒,用盡方法,佢都係唔理,一日拖一日,直至個瘤大到好似有咗 BB咁。」

子宮瘤愈長愈大,令艾威愈來愈擔心。「我為王維基拍《三面形醫》呢個劇時,公司搵咗個醫生團隊嚟幫手,識咗一位好醫生。我同佢講起太太件事,佢話咁好危險,叫我點都要捉佢去檢查,結果都拖咗好耐至肯去。一檢查之下,原來個子宮肌內瘤已經有 16cm大,醫生話唔可以只係割個瘤啦,要割就成個子宮割咗去,咁會安全啲,再唔醫的話會變癌症。」

艾威前年為港視拍攝《三面形醫》,認識了孫錫鴻婦產科醫生(右圖),於是立即搵他救太太。年紀輕輕的孫醫生畢業於香港中文大學,現時在尖沙嘴開診所。

借酒消愁

太太生瘤要做手術切除子宮,艾威心情極度低落。接受訪問時,更一反常態飲了兩杯紅酒,借酒消愁。

醫生:唔可以生 BB

記者連日來聯絡過艾威老婆主診醫生孫錫鴻,不過截稿前仍未獲回覆。之後記者搵另一腫瘤科醫生陸凱祖,他說病人發現生子宮瘤後,應盡早求醫及做手術切掉,避免腫瘤愈生愈大。

陸醫生說:「子宮肌肉瘤雖然係良性,但如果病人睇起嚟似懷孕,生長到有十幾 cm咁大,而又生喺子宮壁內的話,咁需要割除整個子宮嘅機會好大。割除咗子宮,女人就唔可以再生 BB,但係仍然有女性荷爾蒙分泌,因為仲有卵巢。外國就有例子,割出嚟子宮瘤重達幾十磅。」他又指生子宮肌內瘤的病人,除了肚皮會脹外,還會經常想上廁所。「因為個瘤壓住膀胱,好似懷孕嘅女性一樣,經常覺得急尿。」

生仔夢碎

艾威和廖啟智份屬老友, 09年廖啟智奪金像獎男配角,慶功宴亦預埋艾威一份。廖啟智眼見艾威老婆肚凸凸,於是恭喜他做人老竇,怎料唔覺意在他傷口灑鹽。

太太病情嚴重,艾威無奈苦中作樂,「佢個肚愈嚟愈大,次次見到人,都俾人以為佢大肚恭喜我哋就快做爹哋媽咪。哎,我只有苦笑,都唔知講乜好。」雖然香港立立亂,但他依然渴望有下一代,但如今太太要割掉子宮,生仔夢碎。

「初初結婚都諗過要小朋友,但後尾佢有咗呢個病,都冇可能生 BB啦。唔好話生仔啦!連性行為都有困難,我只求佢身體健康啫!」雖然無兒無女,但艾威其實助養了十多個小朋友,同樣可以將父愛發揚光大。

現時艾威已幫太太 book定日子到醫院做手術,但他擔心老婆突然玩失蹤:「依家定咗 18號做手術,唔知佢會唔會去做除非我用手銬鎖住佢,送佢入手術室」

港視開台無望

除了老婆出事,艾威近年十分運滯。前年,他高薪轉投王維基旗下的香港電視,諗住上位,可惜港視不獲發牌,開台無望。當時前路茫茫的他不時參與示威抗議政府。

轉幫港台

之前艾威考慮移居台灣,但當時香港電台搵他拍劇,於是他繼續留守娛圈。

痛錫姪仔

艾威老婆要割子宮,生仔機會零,於是艾威將父愛投射到四歲的姪仔身上,不時在微博晒溫馨。

唔續約港視

香港電視準備在下月 19日以網購平台播劇,擺明剃大台眼眉。曾幫港視拍過三套劇的艾威,原來幾個月前已約滿。對於港視終於見得光,他固然開心,但未有再續約的打算。他說:「已經三年喇!約滿咗以我所知佢哋唔會再開劇,因為網購平台唔一定要有劇集,只係以前拍落,依家有個平台俾大家睇番,始終投資一套劇嘅成本太大喇!」

現時艾威雖未有實質工作,但他準備全身投入電影圈。「之前拍咗幾部戲就嚟上,咁宣傳就一定做。雖然有套戲試鏡失敗咗,但我會再接再厲。」



鍾意就快D Share啦!