2014年10月17日 星期五

廿年來首認戀情 43歲竹野內豐搭上26歲F Cup女星 竹野內豐,




【識食喎…】廿年來首認戀情 43歲竹野內豐搭上26歲F Cup女星

2014-10-17 14:12:00



平時零緋聞嘅竹野內豐,驚爆戀上26歲F奶女星,仲唔係識食?

日本型男竹野內豐入行20年,當年佢喺日劇《沙灘小子》、《星之金幣》、《悠長假期》等入面嘅不羈形象,真係迷盡女fans。

43歲嘅豐哥緋聞向來唔多,而且私生活都好低調,正一鑽石黃老五。就係豐哥太少同女人扯上關係,令外界一度傳出佢係同性戀,早前佢出席新劇記者會終於開腔否認係gay,唔夠一個禮拜,就爆出佢有新戀情!

今日出版嘅雜誌《Friday》報道,豐哥原來同上年合作拍劇嘅26歲F Cup女星倉科加奈秘密撻着,仲影到佢出入女友香閨。噚日豐哥同女星松雪泰子出席京都國際電影節,有記者收到風即問佢係咪同倉科發展地下情,當時佢支吾以對,要由身邊嘅工作人員擋駕。

到今日,豐哥同倉科竟然大方地各自透過事務所承認戀情,係豐哥入行咁多年首次公開女友身份,唔少網民留言恭喜,電視台同報紙更有大肆報道添!









一個43歲,一個26歲,都OK襯呀。





今日出版嘅雜誌《Friday》報道,豐哥被拍到出入女友香閨嘅相,斷到正一正。









噚日豐哥同女星松雪泰子出席京都國際電影節,被問到戀情時要由工作人員代為擋駕。



鍾意就快D Share啦!
Related Posts Plugin for WordPress, Blogger...