掃呢頁CODE去手機

2014年10月17日 星期五

[忽然1周 1003] 蔡思貝姣埋周志文 前女友 CoCo:佢哋鍾意點就點 蔡思貝,周志文,MW,




得米繑手

周志文與蔡思貝,上月因到台中拍《衝線》而撻着,蔡思貝更被指曾在周志文房間過夜。兩人在台中機場時甜蜜繑手合照。

滾熱辣

蔡思貝姣埋周志文 前女友 CoCo:佢哋鍾意點就點

去年港姐亞軍蔡思貝( Sisley), 23歲女青春無敵,出道一年緋聞不絕,先後與李思捷、崔建邦、鄭俊弘傳緋聞,榮升新一代姣精。早前她又再被踢爆瞞住同居男友舞蹈總監麥秋成,姣冧新劇《衝線》對手羅仲謙及「巨聲大孖」周志文。而周志文有米𡃁模女友 CoCo,個多月前發現男友偷食,狠飛賤男兼趕他出貝沙灣愛巢。

其實周志文偷食有前科,曾背住 CoCo狂溝馬賽,雖然 CoCo發功踢走小三馬賽,但今次卻敗在「發電廠」蔡思貝手下。回復單身的周志文,有傳上月與蔡思貝到台灣拍外景時爆房幽會。







大台花旦所剩無幾,造就上屆港姐亞軍蔡思貝極速擔大旗,出道短短一年已拍了四劇,升呢在新劇《衝線》做女一。事業進取的她,愛情亦進擊好勝,每次與合作男藝員例傳緋聞,無論小生、奀星一一通殺。曾留學德國的蔡思貝,強調自己鬼妹仔性格,大條道理向男星發動攻勢,曾先後與李思捷、鄭俊弘、崔建邦及沈震軒等傳緋聞。

而榮升新一代姣精的蔡思貝,雖然有同居男友《狂舞派》舞蹈總監麥秋成,但無礙她繼續溝仔。早前拍《衝線》時,蔡先向對手戲較多的羅仲謙發姣功,搞到楊怡要監場𥄫實男友。羅仲謙郁唔到,蔡惟有轉冧同劇的「巨聲大孖」周志文,有雜誌更斷正兩人鏡頭後大玩摸手仔。

舊愛發火

被問到是否因為周志文與蔡思貝撻着而分手,周志文前女友 CoCo(右)表示:「咁你要問佢嘞!佢哋鍾意點就點」醋味甚濃。

早前為了力追鄭俊弘,蔡思貝曾經攞住紮花入後台等鄭俊弘,被鄭的 fans發現,但她死口唔認。

正印難忍偷食分手

早前兩人赴台拍外景,鏡頭後攬頭攬頸唔在講,更被傳出爆房過夜。

「 Sisley(蔡思貝)成日標榜自己鬼妹仔性格,同啲男仔玩到攬頭攬頸。有次佢仲眾目睽睽下,幫大孖(周志文)『優』番正條單車褲,兩個成日糖黐豆。台灣拍外景嗰陣,有晚佢兩個食晚飯時飲咗好多酒,返到酒店, Sisley仲借醉入周志文間房,話佢哋冇嘢真係搵鬼信。」知情者說。

蔡思貝同周志文偷食偷到出面,二人經常網上傳情。據知個多月前,周志文的富貴𡃁模女友 CoCo終壓不住怒火,加上有指她與向佐撻着,於是怒掟周志文。

「 Sisley扮晒鬼妹仔,話明唔怕人哋女朋友誤會,所以大條道理唔避忌。大孖當初都有向 CoCo備案,仲特登介紹 Sisley俾佢識。後來 CoCo發現佢兩個談情短訊,終於忍無可忍同大孖分手。其實大孖之前暗溝馬賽已經激到 CoCo好嬲,今次佢再偷食, CoCo真係死心,同佢攤牌,更即時趕大孖出愛巢。周志文唔想冇咗條水喉,初時都有挽留女友,但 CoCo去意已決。」

記者求證周志文女友 CoCo,她承認已與周志文分手︰「分開係因為唔係咁啱囉!都分咗手幾個星期。(佢搬離咗你屋企?)係呀係呀,因為分手係我提出。(佢有冇挽留?)佢有,但應該唔會復合。」

從後胸壓

出發拍《衝線》時,蔡思貝已經明顯對周志文有好感,合照時已搭實男方膊頭,胸部亦緊貼男方。

孖住搭機

出發搭飛機時,蔡思貝已經死黐周志文,兩人更貼到實影大頭合照。

蜜遊台中

在台灣時,兩人就算收工,都相約四圍去,仲孖住食辣嘢,勁 sweet。

網晒主權

細孖周志康在 fb呻俾蔡思貝霸住阿哥。之後蔡思貝就風騷晒主權,直認霸道,而周志文(下)就好受落。

問到是否因蔡思貝介入而分手, CoCo初時支吾以對,之後愈說愈火︰「哎……唔係……(佢哋鏡頭後好親密喎!)咁你要問佢嘞!我同佢都分咗手,佢哋鍾意點就點啦,唔關我事。(有傳佢哋喺台灣爆房?)關我咩事?」對於她與向佐的戀情,她就暗寸有人放料︰「同佢(與向佐一齊跟伍允龍學功夫)嘅嘢得一個人知,我同向佐只係朋友。(有冇發展機會?)唔知喎!到時睇吓」

蔡思貝雖然只是 2013年港姐亞軍,但勝在識冧曾志偉及鄭裕玲等前輩,工作量比冠軍陳凱琳更多,劇集、節目一個接一個。

拍完《牛頭愛搭馬嘴》之後,蔡思貝接住拍《衝線》,又要拍旅遊節目《山系女行》(右圖),工作不斷。而《衝線》眾男中,只得溫家偉(上圖右二)和她冇緋聞,蔡真係要檢討吓!

大台力捧

因為蔡思貝做小三介入, CoCo個多月前同周志文分手。

拒回應台灣爆房

有傳《狂舞派》的舞蹈總監麥秋成與蔡思貝同居,他經常做柴可夫接送女友出入。

《 FACE》圖片

記者致電周志文,他就避談與蔡思貝親密關係,反而賴與 CoCo分手係 timing唔夾。他說︰「感情嘅嘢唔多講,不過暫時嚟講我係單身。(蔡思貝係第三者?)全部係我哋自己嘅嘢,唔關其他人事。因為本身同思貝係識,其他人就第一次合作,所以同佢特別熟。(係咪同蔡思貝太親密,女友呷醋?)同佢( CoCo)一齊咁耐,信任係好緊要。(咁即係佢唔信你?)又唔可以咁講,兩個人分開可能係 timing唔啱。」

問到回復單身,會否與蔡思貝有發展?他甚為避忌︰「我哋真係朋友,大家都知!」其後問到有傳兩人台灣爆房,他煞有介事說︰「呢個唔回應。」

至於蔡思貝,記者多次致電才聯絡到她,但未待記者表明來意,她已經說︰「我唔可以答你哋集團。」說罷即匆匆收線,看來早已有人通風報信。身有屎的蔡思貝,封嘴似乎是最佳選擇。

集郵女王

港姐蔡思貝獲大台力捧,事業旺緋聞仲旺。她除了被發現與《狂舞派》舞蹈指導麥秋成在將軍澳同居,更姣溝五名大台男星。

鄭俊弘 兩人拍《牛頭愛搭馬嘴》時,爆出蔡思貝硬搶姜麗文男友鄭俊弘。姜麗文不忿被飛,自爆與鄭俊弘分手。

崔建邦 拍攝綜藝節目《瘋狂夏水禮》時,崔建邦對蔡思貝照顧有加。有傳經常食螺絲的蔡思貝,不時借故問崔建邦做司儀的技巧,因而撻着。

沈震軒 拍《衝線》初期,蔡思貝主動進擊沈震軒。由於二人於劇中飾演情侶,每次拍對手戲異常合拍,戲假情真。

羅仲謙 蔡思貝被踢爆不時向大隻謙放生電兼約消夜,故此楊怡不時借探班為名,𥄫實男友。

李思捷 在合拍《牛頭愛搭馬嘴》試造型當日,李思捷已經主動向女方抄牌,蔡思貝明顯受落,及後兩人在片場不時打情罵俏。

周志文舊愛富貴

周志文舊愛袁聖殷( CoCo)是一名富貴𡃁模,家住貝沙灣大宅,而周志文亦曾進駐女方大宅,至近日才搬離。和周志文拍拖兩年多的她,曾經因為周志文拍《名媛望族》時撻着馬賽,而高調到上海睇實男友。

因為蔡思貝做小三介入, CoCo個多月前同周志文分手。

有指近日 CoCo和向佐因一起跟伍允龍學功夫而撻着。

新晉姣精逐個捉

蔡思貝成為電視城新一代「姣精」,合作過的小生都幾乎被佢電暈,電力拍得住佘詩曼。除了蔡思貝,有不少新晉女星亦以姣起朵。

王君馨

王君馨於不少劇集演出性感,又自封「處女」。去年她拍攝《 My盛 Lady》時,不時姣黐子華,令同劇的主角徐子珊不滿。之後又被發現在《星夢》中與鄭俊弘公然打情罵俏,姣功了得。

朱璇

向來好好先生形象的陳豪,難敵朱璇姣功,有指男方經常接送她出入。去年拍《情越海岸線》時,朱璇已跟張國強傳出緋聞。

許亦妮

先後與 13個男友拍拖的前港姐許亦妮,前年參選時已被指是「人肉發電機」。擁有 35D身材的她,曾與金剛傳緋聞,又曾與同劇柏檔張繼聰在微博打情罵俏,令謝安琪打翻醋埕。



鍾意就快D Share啦!