熱爆娛樂: [忽然1周 1003] 深田恭子　硬膠肉女深田恭子,恭子,MW,

2014年10月17日星期五

[忽然1周 1003] 深田恭子　硬膠肉女深田恭子,恭子,MW,

恭子身材果然超勁，單係對 34D咪咪，就成對導彈，隨時發射咁款。

亞熱帶

深田恭子　硬膠肉女

31歲嘅深田恭子早前推出超性感寫真集《（ un） Touch》，嘩，寫真集入面嘅恭子，火辣身材，要幾性感就有幾性感，簡直吸爆眼球，宅男同麻甩睇到流晒鼻血。可惜就俾八卦之士潑冷水話「只可觀身材而不能睇臉」喎﹗何解呢？

原來恭子近幾年被指臉部「進化」好大，由初出道時包包面變成依家嘅瓜子面、扁鼻變間尺鼻，塊面又成個硬膠「 barbie」咁，女神形象真係跌晒 watt。

日前，深田恭子為新劇《女性決不容許》宣傳，亮相 TBS電視台直播綜藝節目《 All Star感謝祭》大玩遊戲。但就有網友話佢成個樣變到唔信「呢個人係深田恭子」、有啲又話佢「面部全無血肉，真係整很大」。

恭子為宣傳新劇，早前為雜誌《 GOETHE》擔任封面女郎。一身秘書 look嘅佢，竟然俾宅男寸爆，話佢淪落到抄襲 AV女優雜誌封面。真係瘀爆鳥！

恭子呢輯寫真集，完全係佢部署拍全裸寫真嘅前奏，因為寫真入面嘅佢，已經由玉女轉型做肉女。

瀛男愛大胸

不過你咪理，早前一個男生調查結果顯示，喺芸芸女星中，雖然恭子屢被批為「硬膠面」，但因為擁有 34D cup驕人身材，依然成為一眾年齡由 22到 39歲白領心目中「誘惑女神」。同時獲選嘅，仲有壇蜜、綾瀨遙、真木洋子，連已 43歲嘅藤原紀香都入選，真係估佢唔到。由此證明男人、尤其㗎仔最鍾意大波妹。

02年，恭子出道冇耐，仍然一臉清純嘅佢，即被睇中夥拍當年韓國最紅小生元斌拍攝劇集《 Friends》，人氣即時登頂。

喺將於 2015年 1月上畫嘅電影《 Joker Game》入面，恭子同龜梨和也有唔少咀嘴鏡頭。

喺寶礦力廣告入面化身美人魚，一個倒奶甫士，發泡膠魚都會變生猛。

想拍露點戲

恭子近年人氣可能受「整容」影響，雖然拍乜衰乜，但依然劇接劇、戲接戲，仲有廣告。今年秋季劇《女性決不容許》入面，她一樣做女一，飾演法庭律師。明年 1月，又有同 KAT-TUN成員龜梨和也嘅電影《 Joker Game》上映，又成為「寶礦力」礦泉水代言人，簡直做到冇停手。最近更有傳話放聲氣唔介意露點，更希望喺 35歲前達成願望。咦，恭子已經 31咯，即係話佢其實已有底稿，唔似齋噏喎﹗

恭子好忙，但亦無礙肉女溝仔，呢頭撇甩男友仔五十嵐麻朝斬甩姐弟戀，嗰頭即搭上自稱為「百人斬」（即係話玩女無數）意大利籍嘅 Bellissimo，果然係快刀手。