周慧敏千度近視 新秀戴「四眼龜」 有人叫除眼鏡唱
2014-10-06 14:41:00
(攝影:王連連)
周慧敏喺觀塘出席眼鏡店開幕，仲得到老闆送出永久免費會藉，啱晒有深近視既周慧敏。佢話以前諗過矯視，但係發現視網膜有問題，修補咗對眼，負荷唔到激光矯視。
有千幾度近視嘅周慧敏，話因為細個夜晚要偷偷細聲量睇電視，要好近去睇，依家大個咗都避免用太多智能電話同電腦。
而周慧敏四眼妹嘅樣，佢話家人同老公倪震見到，佢話：「出trip工作人員都有見我淡素娥眉嘅樣。」提到個樣會好可愛，佢話：「我唔覺得可愛，唔相信有人鍾意。當年85年參加新秀，面試時黎小田張國榮等人都喺度，我戴住個四眼龜唱，之後佢哋叫我除眼鏡俾佢哋睇，有人叫我參賽時唔好戴。」至於有份拍嘅《一個人咖啡》，因冇時間未能參與宣傳。
另外，近日佔中活動，周慧敏都好關注，佢話：「睇報道覺得好不安好心痛，我不斷祈禱，希望盡快和平解決，大家多啲包容，少啲批判。唔好有任何形式傷害嘅語言令社會分裂，希望學生同差人唔好再受傷害。」
Vivian話自己以前係「四眼龜」，參加新秀都係咁樣唱。
|
鍾意就快D Share啦！
|
|
|
